”تاجروا مع ربنا”.. سعد الصغير يستغيث بـ تامر حسني وحمادة هلال بسبب طفلة
وجه المطرب سعد الصغير، استغاثة للفنان حمادة هلال، والفنان تامر حسني، من خلال فيديو بث مباشر، عبر حسابه الشخصي على موقع التواصل الاجتماعي "فيسبوك"، موجها نداءً لهما بمساعدة الطفلة رقية والتبرع لها، لتوفير حقنة بـ 40 مليون جنيه حتى يتم انقاذ حياتها.
وأعرب الصغير، خلال البث المباشر، قائلا: "رسالة لحبيب قلبي حمادة هلال وحبيب قلبي تامر حسني، أنا قولتلكم أنتوا بالذات عشان عارفكم إن انتو بتعملوا لربنا في الخباثة".
وتابع: "أستاذ حمادة هلال وتامر حسني لو نزلوا عندهم خلاص لأن عندهم ناس بالملايين على صفحاتهم، والناس كلها حباهم وعارفة إنهم بتوع خير.. اتبرعوا لرقية وخدوا الثواب، واعتبروها بنتكم، وتاجروا مع ربنا، واسأل مجرب، لو دفعت 3 آلاف جنيه هتاخد 200 ألف جنيه".
اقرأ أيضًا.. مواعيد مسلسل «البيت بيتي» لـ كريم عبد العزيز والقنوات الناقلة
أشاد المطرب سعد الصغير، بالفنان حمادة هلال، مشيرًا إلى أنه مقدام على فعل الخير، ويفعل كل ما يجعله قريب من ربنا، وأوضح قائلا: "حمادة هلال مبيشتغلش في رمضان عشان شهر الصوم والعبادة، ولا بيشغل في رأس السنة عشان فيه خمرة، تمنيت في يوم من الايام ابقى حمادة هلال من كتر الادب اللي فيه، شخص محترم".
وتضمن البث المباشر للفنان سعد الصغير، على رسالة تحذيرية، للشباب من المخدرات بالأخص مخدر الشابو والآيس، الذي يجعل الانسان مغيب، وذلك بعد واقعة مقتل طالبة المنصورة، التي حدثت صباح اليوم.
وأعرب قائلا: "متشربوش مخدرات، ولا شابو ولا آيس، أنا عمري في حياتي مشربت اي حاجة حتى الشاي مبشربوش، بس الحشيش معقول، أنا عندي ناس صحابي بيشربوا الحشيش عشان يعملو دماغ".
وأردف: "المخدرات هي اللي بتخليك تعمل حاجات غلط وتموت ابوك وامك وغيرهم، ابعدوا عن الكلام ده.. أنا أول ما سمعت عن موضوع بنت المنصورة وقولت إن الواد ده مغيب وشارب حاجة، هو فيه حد عاقل يموت حببته كده، أنا عندي صحابي وبيشربوا وأعرف أفرق".
