هلا رشدي تروي تفاصيل أزمتها الصحية: «أخذت ترامادول»
تحدثت المطربة هلا رشدي، مؤخرًا عن التفاصيل الكاملة لأزمتها الصحية والسبب وراء العملية الجراحية العاجلة التي أجرتها، وذلك من خلال صفحتها بموقع التواصل الاجتماعي.
وقالت الفنانة هلا رشدي، إنها كانت متجهة إلى إحدى الدول العربية يوم 14 مايو الماضي، وأثناء هبوطها من الطائرة شعرت بشد عضل شديد في قدمها.
وأوضحت أنها اتجهت بعد ذلك إلى الفندق، واكتشفت أنها تتألم باستمرار ألم لا يتوقف: "عملت مساج وبرضو ما ارتحتش، وبعدين روحت لدكتور من اللي هما سمكرية البني آدمين دول، وبرضو مفدنيش بحاجة".
وأضافت: "وبعدين روحت تاني يوم لدكتورة، نفس النظام، قالتلي عندي غضروف على وشك الانفجار، وفضلت تضغط على أماكن معينة في جسمي، وفجأة الألم راح، وقررت أنام بقى".
واستكملت هلا رشدي: "صحيت كنت هموت، رجلي الشمال وقفت، وأخدت ترامادول، ولا سكنّي، ولا عملي دماغ حتى.. قررت أرجع مصر، وقولت أموت في بلدي، كفاية كده، وفعلا رجعت وعملت رنين مغانطيسي، ولقينا الغضروف انفجر".
وواصلت حديثها: "ونزل على العصب الشمال في رجلي، وقبل العملية بيوم؛ ناس كتير كلمتني، وده أكد لي إن ده آخر يوم في عمري.. ولما كنت في غرفة العمليات، أهلي بيشوفوا أخبار كتيرة، زي: وفاة هلا رشدي".
اقرأ أيضًا: مسلسل البيت بيتي الحلقة الأخيرة بدون فواصل بجودة HD
واختتمت: "وحاجات كتير من كده، بس الحمد لله، ولما صحيت شوفت المحلول اللي فيه الحاجات اللي طلعت مني في العملية؛ عرفت قد إيه البني آدم هين، وما أعرفش ليه الناس بتظلم بعضها".
