رغم بشاعة جريمته.. تعامل إنساني من هيئة المحكمة مع المتهم بقتل نيرة أشرف
أمر المستشار بهاء المري، رئيس محكمة جنايات المنصورة الدائرة الرابعة، وقاضي محاكمة الطالب الجامعي محمد عادل، المتهم بقتل زميلته « طالبة المنصورة» نيرة أشرف أمام جامعة المنصورة، اليوم، بإحضار مياه ومناديل للمتهم، خلال الاستماع لاعترافاته أمام هيئة المحكمة.
شهدت محكمة جنايات المنصورة، اليوم الأحد، مواجهة بين أسرة نيرة أشرف طالبة المنصورة التي جرى قتلها أمام الجامعة، والقاتل محمد عادل.
وقال المتهم: «أنا اشتريت السكين قبل الامتحان بـ3 أيام، وأخدتها معايا عشان أدافع بها عن نفسي هي كانت بعتالي رسائل تهديد هتخلي ناس تأذيني من اللي هي تعرفهم".
وأضاف «ساعة ما ركبت معاها الباص علشان أروح الامتحان مكنتش قاصد أركب معاها، وهي لما ركبت قعدت تتريق وتضحك عليا وهي اللي دمرت حياتي وعماله تضحك".
وأكمل:« إضايقت وقولت أنت تستاهلي بقي.. وخفت أكلمها لما نزلت تتبلي عليا زي ما عملت قبل كده في الجامعة، ولما نزلت من الباص مش فاكر ضربتها إزاي».
وسأل القاضي المتهم: هل أنت نادم يا محمد؟
فأجاب: «ندمان طبعا لأني آذيت قلبي».
وسأله القاضي: «إيه مفهوم الحب عندك يا محمد.. أنت شايف الحب إزاي؟»
فأجاب: «اللي يؤثر في الواحد إنك تبقى كويس مع حد وهو يستغل ده ويضحك عليك الناس ويقل بيك، إنما الحب قبلنا وبعدنا حبوا وهيحبوا، أنا مقتلتهاش علشان رفضتني، هو مفيش حاجة تبرر اللي عملته، إنما ده غصب عني هي السبب.. المفروض أسرتها هيتحاسبوا على اللي حصل».
اقرأ أيضًا: بدء جلسة محاكمة المتهم بقتل طالبة المنصورة (فيديو)
