شقيق ياسمين عبد العزيز يكشف سبب صمته في بداية أزمة آمال ماهر
رد الفنان وائل عبد العزيز على متابعيه بعد تكذيب منشوره الذي كشف من خلاله أنه كان يقابل المطربة آمال ماهر في الجيم وأنها بخير بعد التشكيك في الفيديو الذي ظهرت فيه بعد فترة غياب وشائعات.
وكتب وائل عبد العزيز عبر حسابه بموقع فيس بوك: «الناس عايزة تبني قصة من خيالهم وتعيش فيها وتصدقها ويفرضوا عليك تصدقها زيهم ولو قلت عكس كده تبقي كداب ويزعلوا أن قصتهم انتهت، الست طلع واحد من المقربين لها قال في الساحل ونزلت هي حتى صورة.. قالوا لا مخطوفة، نزلت فيديو قالت أنا بخير الحمد لله وشكرا لجمهوري معلش كان عندي كورونا.. قالوا لك مفبرك وخاطفها ومبتاكلش وبيعذبها».
وأضاف: "بشوفها قسما بالله من زمان ويمكن من سنين وبتتمرن في نفس المكان لكن علاقتنا ازيك إزيك وأخبارك إيه وكدا.. قولت بشوفها بس بقالها فترة صغيرة مجتش قالك كداب وعميل.. الناس تقريبا من كتر الكتابة علي الكي بورد بقيت عايشة في دور السيناريست عملت قصه ولازم تكمل بالخطف والتعذيب ثم مش لاقينها وشغل إثارة واختفاء ويطلع واحد يقول إنها ماتت بعد الشر فا الناس تفرح أن القصة انتهت".
اقرأ أيضًا: في أول ظهور لها أمال ماهر:كنت مختفية بسبب إصابتي بكورونا (فيديو)
واختتم: "المهم الكلام ده كله أنا لسه شايفه امبارح والله فعلا مش مركز فيه قالك مقولتش ليه من أسبوع.. مكناش عيشنا الوهم وبنينا قصة وكده.. لا حول ولا قوة إلا بالله.. ربنا يهدي".
