رامي صبري يحيي ذكرى وفاة شقيقه: «أسوأ يوم في حياتي»

أحيا الفنان رامي صبري، الذكرى الأولى على رحيل شقيقه كريم صبري، التي تصادف اليوم الموافق 11 يوليو.

وكتب رامي صبري، عبر حسابه الشخصي بموقع التواصل الاجتماعي فيسبوك: "أخي الغالي، زي النهاردة تلقيت الخبر الصادم وهو خبر وفاتك، يوم من أسوء أيام حياتي بجد".

وتابع: "وحشتنا يا كريم يا طيب، أه بغني وبشتغل لكن مش مبسوط .. في حاجه مهمه دايما ناقصة دايما ببص ورايا علشان أشوفك مش بلاقيك زي ماكنت دايما معانا، فاكرك وكل يوم بدعيلك كل ما بفتكرك يا طيب، أنا مقصرتش معاك والله، بس هو ربنا عايز كده، وأقصي ما يمكن أن يفعله انسان هو تنفيذ إراده الله، ربنا يرحمه يا غالي ويصبرنا ويصبر أمي".

إقرأ أيضًا .. إنجي المقدم تكشف موقفها من عمليات التجميل.. فيديو

يذكر أن النجم رامي صبري، طرح فيديو كليب النسخة الجديدة من أغنيته الأخيرة «هي»، بالعزف على الجيتار، وهي من كلمات نادر عبدالله، ألحان ورؤية فنية رامي صبري، ميكساج وديجيتال ماستر أسامة الهندي، والتوزيع على المنصات الرقمية لـArpuPlus.