هاني شنودة: «حسن شاكوش عدى العالمية ونفسي ألحن لويجز»
حل الموسيقار هاني شنودة، ضيف الإعلامية إيمان أبو طالب، ببرنامج بـ"الخط العريض"، عبر شاشة قناة الحياة الفضائية وأثار ضجة بتصريحاته على الهواء.
وقال الموسيقار هاني شنودة: "أي مطرب مدرب يقدر يغني راب، وهعمل أغاني راب لأن كلامه نضيف وكويس، فهو عبارة عن شعر متقال على ألحان إفريقية، وأكثر شخص بحبه ونفسي ألحن له مطرب الراب ويجز".
وأضاف: "ليس لدي فكرة إني أحسن من أي شخص، وأي بني آدم مصري يا أخويا يا ابني على حسب السن.. أما حسن شاكوش عدى العالمية وموهوب وأغنية (بنت الجيران) كسرت الدنيا دي حقيقة وواقع".
وتابع: "وائل الفشني لسه قدامه خطوة على العالمية صوته حلو وبيغني كويس بس محتاج يفك الفرامل شوية أما شيرين عبد الوهاب بتفكرني بالمطربة خضرة محمد خضر، وأنا وهاني شاكر بيننا معزة ومودة وأنا مش ضد المهرجانات بالعكس دول بيسعدوا الناس".
اقرأ أيضًا: دنيا سمير غانم تطرح برومو «تسليم أهالي» وتوجه رسالة لوالديها
وأكمل هاني شنودة: "مفيش نوتة مؤدبة ونوتة قليلة أدب.. أنا ضد كلام المهرجانات واعتراضي على الكلمات فقط وليه بوليس الآداب ممسكش الناس دي لحد دلوقتي".
