حلا شيحة تكشف حقيقة انفصالها عن معز مسعود

كشفت الفنانة حلا شيحة، حقيقة انفصالها عن زوجها الداعية معز مسعود، بعد تداول العديد من الأخبار حول طلاقهما بسبب منشورها الأخير.

ونشرت حلا شيحة، صورة لها بالحجاب عبر حسابها الشخصي بموقع تبادل الصور والفيديوهات الشهير إنستجرام، وعلقت: "لكل المتابعين والمحبين على صفحتي وفي الوطن العربي، حابة أقولكم مفيش أي خبر اتكتب عن معز وعني يخص الطلاق صحيح".

وتابعت: "كلامي في البوست اللي فات كان كلام عام ولم أقصد به حد معين أبدا، معز بعيد عن الكلام ده تمامًا، بالعكس، هو سبب كبير لحاجات جميلة في حياتي وحياة أولادي، ومشفتش كتير زي أخلاقه واحترامه".

واستكملت: "عيب الكلام اللي بيتقال على صفحات السوشيال ميديا، كله مش صح أبدًا، والله في مشاكل أكبر بكتير وحاجات أهم بكتير ممكن نتكلم فيها، وأنا على صفحتي بحب أشارك جمهوري ساعات بمعاني بحسها وبحسهم زيي وبحب أتواصل معاهم وأبقى موجودة معاهم مش أكتر من كدة".

اقرأ أيضًا .. رانيا يوسف تكشف تفاصيل فيلمها الجديد ”ملك” - خاص

وأوضحت حلا شيحة عن حقيقة ارتدائها للحجاب، قائلة: "بالنسبة لحجابي أنا قلت بحاول زيي زي بنات كتير وأكيد مش أحسن حاجة، بس أنا كدة دلوقتي والحمد لله، وأنا مش شيخة، أنا إنسانة عادية جدًا، ليا حسناتي وليا سيئاتي، والبشر كلهم كدة، فبلاش حد يزايد على حد وبدل ما تتريق أو نقول كلام مش مهم نكون متصالحين مع نفسنا ونبطل نحكم على بعض، إحنا بشر مش ملايكة، يالا أنا مسامحة الكل معلش بشر برده".