حمو بيكا يرد على محمد نور: «عفا الله عما سلف.. أنا أخوكم الصغير»
علق مؤدي المهرجانات حمو بيكا، على دفاع المطرب محمد نور، بسبب الصدام الأخير بينه وبين مجلس نقابة المهن الموسيقية من قرارات التي أوقفته عن الغناء في حين سمحت للعديد من زملائه.
وكتب حمو بيكا على فيديو محمد نور: "شكرا لاخويا النجم محمد نور الي انت شايفو انا هعملو انا عاوز اكل في بلدي علشان انا بحب جمهوري في بلدي والي حضرتك شايفو انا معاك فيه عفا الله عما سلف وطبعا اي حد علي دماغي ودي مبادرة كويسه منك شكرا لدعم ليا ❤️ وانا اخوهم الصغير".
وكان نشر المطرب محمد نور ، فيديو له عبر حسابه الشخصي على موقع الصور والفيديوهات الشهير "انستجرام"، وعلق عليه كاتبًا: "لكل اعضاء نقابة المهن الموسيقية اخوتنا الكبار الي طول عمرهم معانا في كل كبيره وصغيره بعتذرلكم بنيابه عن حمو بيكا، اكيد مكنش يقصد الانسان وقت الغضب مش بيعرف يقول ايه".
وتابع محمد نور: "هو بس عاوز يشتغل ودي كلمه أثرت فيا طبعا، ولكن ده ميديلوش أي حق إنه يغلط في أي حد من أساتذتنا الكبار فهو هيعتذر وعشان خاطري أنا تقبلوا اعتذاره وأنا هحيبوا وأجيلكم ونخلص الموضوع وتشتغل إن شاء الله، أتمني تقرأ الكلام ده وتعتذر وهما مفيش أطيب منهم والموضوع يخلص أنا بس تدخلت عشان عارف إنك طيب، وفي حالك وعندك جمهور بيحبك وهما محترمين فوق الوصف، أهل حقيقي مش مسئولين نقابة، عفا اللهً عما سلف.. شكرا وأتمني من الجميع محدش يغلظ أو كده من الكومنتات أنا فقط مقدرتش اسمع حد بيقول نفسي اشتغل وانا محاولش اساعد شكرا للجميع طولت عليكو شكرا لاستاذ احمد رمضان والمايسترو الاستاذ حماده ابوً اليزيد وانامتاكد انكم هتتعاونو معايا وده مش جديد عليكو".
اقرأ أيضًا: حلمي بكر لـ «الطريق»: «أداء شيرين عبد الوهاب سيئ.. فستانها كان فاضح ما تطلع بالمايوه بعد كده»
