إنجي وجدان: «كفاية تنمر على وزن شيرين .. 90% من الستات بيعانو زيها»
انتقدت الفنانة إنجي وجدان، التعليقات السلبية المتكررة حول زيادة وزن المطربة شيرين عبد الوهاب في الفترة القليلة الماضية.
اقرأ أيضًا: حلمي بكر لـ «الطريق»: «أداء شيرين عبد الوهاب سيئ.. فستانها كان فاضح ما تطلع بالمايوه بعد كده»
ونشرت إنجي وجدان، مقطع فيديو لها عبر حسابها الشخصي على موقع "إنستجرام": "بقالي كام يوم متابعة الكلام اللي بيتكتب ويتقال على شيرين عبد الوهاب، من فضلكم موضوع التنمر بقى كتير أوي وجارح، شيرين شخصية قوية جدا، لكن طبيعي بعد الظروف اللي مرت بيها لازم يبقى في مشكلات".
وتابعت: "هي مرت بحاجات مش سهلة 90% من الستات في مصر بيمروا بحاجات شبهها"، مضيفة: "أنا مش محامية الناس التخان أو اللي بيخسوا، لكن الستات طول الوقت تحت ضغط مرعب".
وأكملت: "لازم تبقى واخدة بالها من شكلها وشعرها ومكياجها ولبسها، وتاخد بالها من عيالها وجوزها عشان مايخونهاش أو يتجوز واحدة تانية".
وأكدت: "الموضوع بقى مرهق ذهنيا وجسمانيا، مين قال الستات مش من حقها تتخن أو تخس أو تتطلق أو تكتئب؟".
واختتمت إنجي وجدان: "إنت بتعملي حاجة ناس كتير مش قادرة تعملها ومنهم أنا، أنا عندي اكتئاب وواخدة وقتي عشان أرجع وأقوم نفسي".
اقرأ أيضًا: مصطفى كامل لـ «الطريق»: أحضر لفيلم من قصتي مفاجأة للجمهور
