”شوية تراب”.. طليقة شريف منير توجه رسالة شديدة اللهجة لمنتقدي رسائلها لابنتيها
وجهت لورا عماد طليقة شريف منير، رسالة إلى منتقدي رسائلها لابنتيها كاميليا وفريدة، من خلال منشور كتبته على حسابها الشخصي، عبر موقع تبادل التواصل الاجتماعي فيسبوك.
وقالت لورا، خلال المنشور: "شكرًا لكل من دعمني نفسيا وحس بإحساس الأم وبقول للقلة القليلة عديمي الإنسانية إن تعليقاتكم ما كانت سوى شوية تراب في الهوا".
وتابعت: "قررت أشيل البوست لأن مش هسمح إن صفحتي تبقى ساحة لبعض المتطرفين دينيًا وبقولهم روحوا ناقشوا تطرفكم في حتة تانية".
يذكر أن لورا عماد، كانت وجهت رسالة لابنتيها، من خلال حسابها الشخصي، بموقع تبادل الصور والفيديوهات إنستجرام.
وكتبت لورا، خلال المنشور: "رسالة إلى بناتي فريدة وكاميليا، بما إنكم خلاص قررتوا تبقوا مش في حياتي بعد ما اديتكم عمري وصحتي وحبي واهتمامي وضحيت عشانكم كتير!! وكل مدارسكم بمدرسينكم بدكاترتكم بأصحابكم بأمهات أصحابكم يشهدوا بإن أنا كنت أم عاملة إزاي!".
وتابعت: "بقولكم مبروك عليكم عيلتكم الجديدة! وهقولكم حاجة واحدة بس! اللي مالوش خير في أمه ملوش خير في حد! بتمنالكم كل خير وصحة وإن ربنا يهديكم في يوم من الأيام! بس ربنا موجود وكبير قادر على اللي عمل فيكم كده إنه يرده ليه في يوم من الأيام! مامي لورا يمكن تكونوا نسيتوا اسمي".
