مرتضى منصور: «كهربا قالي بابا حبيبي.. وبنصحه يكشف مين بيحرضه»
كشف مرتضى منصور رئيس الزمالك، تفاصيل أول لقاء جمعه مع محمود عبد المنعم كهربا، لاعب الأهلي، بعد عقوبة إيقافه بسبب عدم سداد 2 مليون دولار لصالح الأبيض.
وقال رئيس الزمالك في تصريحات عبر برنامج "زملكاوي" المذاع على قناة "الزمالك": "كنت معدي بالعربية لاقيت حد بينادي عليا بابا حبيبي، لاقيت أنه كهربا وقالي إزيك يا بابا يا حبيبي، قولتله أهلا وسهلًا".
وتابع: "لو السماء انطبقت على الأرض هتدفع الـ50 مليون والعداد شغال يا كهربا، أنا في المواقف الإنسانية ممكن أتنازل، إنما فلوس النادي والدولة لا يمكن".
وواصل: :أنا بشكرك على كلامك بابا وحبيبي، لكن أنت سيبت بابا، وروحت لجوز ماما، لما قالك تعالى أهربك، وبعد العقوبة جوز ماما خاف وقال معرفكش".
وأوضح: "عدلي القيعي قال إحنا ملناش دعوة بكهربا، يعني هو صحي من النوم قال عايز ألعب في الأهلي، دا كان معانا منور وراح المنتخب واحترف في السعودية وأخد 100 مليون جنيه".
وواصل تصريحاته موجهًا حديثه لمسؤولي الأهلي: "أنتوا اللي ورطوا كهربا، ادفعوا الفلوس علشان مستقبله، دا من أحسن اللاعبين في مصر، وخلي كهربا يطلع يقول مين حرضه على الهروب من الزمالك أنت دلوقتي بتغرق وهتبطل كورة".
واختتم مرتضى منصور تصريحاته: "كهربا من أحسن اللاعبين في مصر وأنتم من قمتم بتوريطه، وانصحه بالخروج والاعتراف على من قام بتحريضه حتى لا يغرق".
اقرأ أيضًا: مرتضى منصور لجماهير الزمالك: أنا رئيس النادي.. ومالكوش دعوة بالصفقات»
