لفظ خارج ورفض اعتذار.. تفاصيل أزمة أحمد عبد القادر مع جماهير الأهلي
دخل أحمد عبد القادر لاعب الفريق الأول لكرة القدم بالنادي الأهلي، في أزمة مع جماهير القلعة الحمراء، في الساعات الماضية بعد منشوره الأخير على مواقع التواصل الاجتماعي.
رسالة أحمد عبد القادر للجماهير
كتب لاعب الأهلي عبر حسابه الرسمي على "إنستجرام": "الحمد لله انتهينا من موسم صعب مكنش من نصيبنا في بطولات كتير، وبحمد ربنا في أي وضع، وبشكر كل الناس اللي دعمتني، وخصوصًا آخر فترة لأن ده الجمهور الحقيقي اللي وقت الأزمة بيبان معدنه وحبه للنادي ولعيبته".
وتابع: "وبرضو بشكر اللي غلط فيا بالأب والأم اللي ملهمش ذنب، ومن غير سبب لأن لولا غلطهم ده مكنتش عرفت إني فيه ناس (..)، وأخر شيء عاوز أقوله الجاي كله خير ومن نصيبنا إن شاء الله والأيام تثبت، ده شكرا".
هجوم جماهيري كبير
تعرض جناح الأهلي، لهجوم جماهيري كبير بعد اللفظ الخارج الذي استخدمه لوصف منتقديه، وطالبه عدد كبير من الجماهير بالاعتذار عن سب بعضًا منهم، بسبب انتقاده لتراجع مستواه الفترة الأخيرة رفقة الفريق.
اقرأ أيضًا: جدول ترتيب الدوري المصري الممتاز 2021-2022 بعد نهاية الموسم
رد أحمد عبد القادر
رد أحمد عبد القادر على هجوم الجماهير، قائلا: "الناس اللي بتتكلم علي إني مش عاجبني الانتقاد، أنا مش عاجبني الانتقاد إزاي دا أنا أکتر واحد باخد الحاجة السلبية بإيجابية".
وتابع: "وبلاش واحد يعملي بيفهم ويقول هو اللي ينتقدك تشتموا، أنا أصلاً مشتمتش، أنا بقول ناس (..) علشان أنا مش واحد معندوش كرامة إن أهله يتشتموا وأقول له شكرًا مثلاً".
واختتم أحمد عبد القادر تصريحات: "انتقد للصبح باحترام وبأدب وأعمل اللي أنت عايزه، بعيدًا عن التجاوز في حق عيلتي، شكرًا".
