تنازل شيكابالا والسولية عن أجرهما في «صاحبة السعادة» لمؤمن زكريا
كشف أحمد رويش، مسئول الملف الرياضى ببرنامج صاحبة السعادة، عن تنازل محمود عبد الرازق شيكابالا وعمرو السولية عن أجرهما في البرنامج لمؤمن زكريا الذي يبتعد عن الملاعب بسبب الإصابة.
وتستضيف الفنانة إسعاد يونس، مؤمن زكريا وزوجته ريهام الشيمي، مساء اليوم الاثنين في برنامجها صاحبة السعادة، برفقة نجمي الأهلي والزمالك عمرو السولية وشيكابالا.
وكتب درويش عبر حسابه الشخصي على فيسبوك: "بمجرد ما كلمت أخويا العزيز المصور المبدع أحمد مصطفى سنتياجو الصديق المقرب لشيكا علشان أعرض عليه قاللي استنى ورجعلى بعد دقيقة بالظبط وقالي شيكابالا موجود وجاي وابعت اللوكيشن".
وأضاف: "ولا شيكابالا طلب فلوس واتنازل عنها ولا البرنامج عرض من الأساس فلوس على شيكا اللي عرف مضمون التواجد في الجزء المقرر في الحلقة وقرر الحضور في حب مؤمن زكريا".
وتابع: "وبالعكس شيكابالا كان محضر لمؤمن مفاجأة كمان الظروف مسمحتش إنها تظهر على الهواء وفي موقف عظيم تاني يحسب له مينفعش يتكتب في الوقت ده عن إصرار شيكابالا الظهور في حلقة مؤمن مع صاحبة السعادة".
واختتم: "الموقف كمان ماختلفش كتير عند عمرو السولية لما قال فورًا جاي لمؤمن ولا طلب فلوس ولا لمح حتى لكده لأنه حبيب مؤمن زكريا وحب إنه يشارك في حاجة تسعد مؤمن وتوصل رسالة للناس بل بالعكس حضر السولية قبل موعد التسجيل وكان مبسوط جدًا إنه هيشارك في حاجة تسعد مؤمن".
