طفلة تحتضر بسبب 25 مليون جنيه.. وعائلتها: المرض وصل للتنفس
9 شهور فقط تفصل الطفلة «سيلين» عن مصير مؤلم، فإصابتها بمرض ضمور العضلات القاتل دفعت والديها لمناشدة القلوب الرحيمة والمسئولين عبر مواقع التواصل الاجتماعي مساعدتهم في إنقاذ طفلتهم قبل بلوغها سن العامين.
تدهور حالة سيلين
يهدد مرض ضمور العضلات الطفلة «سيلين»، فقد تأخرت حالتها بسبب عدم توافر "حق الحقنة" لدى والديها، فقرروا الاستغاثة بالله ثم بالمستخدمين على مواقع التواصل الاجتماعي لإنقاذ ابنتهم.
اقرأ أيضًا: طبيب ينقذ طفل بعد اختراق جادون العجلة بطنه ويوضح حالته الصحية
انتشر مؤخرًا مقطع فيديو صادم يوضح تدهور حالة «سيلين» فقد ظهرت في المقطع نائمة على بطنها لا تستطيع السيطرة على حركتها، كما أن المرض أثر على الرئة والتنفس، وقد أخبر الأطباء والديها أن جلوسها يشكل خطر على حياتها ويجب أن تظل نائمة.
يقول «محمد وناس» أحد متبني النشر عن حالة سيرين تعليقًا على الفيديو: "دي بداية مرحلة كنا خايفين توصلها سيلين لكن للأسف بيحصل خلاص، بداية التردد ع المستشفيات بسبب إن حالتها الصحية اللي تعتبر الأخطر مقارنة بالأطفال اللي فاتوا من نفس النوع".
يحكي: "الساعة 7 الصبح لقوها بتتنفس بسرعة وشفايفها مزرقة فجريوا بيها على المستشفى واتعملها جلسة تنفس وقالوا إن عندها التهاب رئوي واتحجزت ساعات بالمستشفي لكن الحمدلله خرجت حاليا، سيلين ضهرها بقي أسوأ بكتير وده مأثر كمان على نفسيتها".
وأضاف: "الدكتور طلب منعها من إنها تقعد تمامًا لحد ما تاخد الحقنة.. تخيل الأم دلوقتي بقت خايفه حتي بنتها تقعد، مرض بيتطور بسرعة غريبة، الدكاترة قالوا من ساعة ما اكتشفوا المرض وهى 11 شهر إنها لازم تاخد الحقنة قبل سنة عشان حالتها أخطر من الأطفال اللي قبلها اللي كانوا من نفس النوع، هى دلوقتي وصلت سنة و3 شهور، خلاص بعد ربنا ملهاش غير الناس اللي هيوصلها الكلام ده ويحسوا بمعاناة الأسرة ومعاناة البنت ومامتها شايفاها بتتعذب".
ووجه رجاؤه قائلًا: "اليوم بيفرق، الساعة بتفرق، عملنا ده قبل كده وبإذن الله هنقدر كلنا نعمله تاني".
تكلفة الحقنة وطريقة التبرع
تحتاج سيرين حقنة لعلاج مرض ضمور العضلات قبل بلوغهت سن العامين، تكلفة الحقنة 40 مليون جنيه، وقد جمعت الأسرة حتى الآن 14 مليون و300 ألف فقط، ويمكن لراغبي التبرع استخدام كود سيلين على فوري رقمه 92183 أو الحسابات التالية.
