مرتضى منصور: «ممدوح عباس مالوش جنيه عندي.. وبحذرك يا عواد من اللي عملته»
كشف مرتضى منصور رئيس مجلس إدارة نادي الزمالك، أخر تطورات صفقات الفريق الأول لكرة القدم خلال الانتقالات الصيفية الجارية، مؤكدًا على ضم 3 صفقات نارية حتى الأن.
وقال مرتضى منصور في تصريحات عبر برنامج "زملكاوي" المذاع عبر قناة "الزمالك": "اقسم بالله أنا تعاقدت مع أقوى 3 صفقات، ومخلص كل حاجه مع الأولاد ولكن الفلوس محجوز عليها".
وتابع: "والله العظيم وحق القرآن الكريم ممدوح عباس ملوش أي جنيه عند نادي الزمالك، والناس اللي بتقولي اديله فلوسه، والرقابه الإداريه قالت ده سارق دفتر الشيكات ومزور وهو واخد كل فلوسه وملوش جنيه".
وواصل مرتضى منصور تصريحاته موجهًا حديثه لعدد من اللاعبين، حيث قال: "بحذرك يا عواد متكتبش أي حاجه تاني على السوشيال ميديا، ووقعنا عليك غرامة كبيرة 60 ألف جنيه بسبب اللايحة الجديدة للنادي".
وشدد: "أسوء شئ في الدنيا هو إنك تسمع لكلام الناس، وده اللي حصل مع محمود علاء، هو أحسن المدافعين في مصر وكان من هدافين الفريق ولكنه سمع للجمهور".
اقرأ أيضًا: علي فرج وهانيا الحمامي يتوجان ببطولة مصر الدولية للاسكواش
واختتم مرتضى منصور تصريحاته: "أوباما نفس الكلام وهو لعيب كبير، عشان كده بقول للجماهير انت دورك تدعم بس ومتشتمش اللاعيبة، بقول للجمهور المحترم من فضلك عندك كلمه دعم للعيبه قولها معندكش متقولش".
