اتعذبت من شكلي.. شاهد: صفاء جلال تكشف كيف خسرت وزنها الزائد

حلت الفنانة صفاء جلال، ضيفة ببرنامج "كلام الناس"، المذاع على قناة إم بي سي مصر، والذي تقدمه الإعلامية ياسمين عز، للحديث عن تفاصيل من حياتها الشخصية.

وكشفت صفاء جلال، عن سبب لجوءها إلى عمل عمليات نحت، قائلة: "عملت عملية نحت جسم عشان في فترة كنت تخنت أوي وقابلت دكتور وعملت عملية بس بعدها سيبت نفسي وتخنت تاني فعملت كبسولة المعدة عشان مكلش، لأني كان عندي مشكلة في الأكل بالليل".

اقرأ أيضًا: ياسمين عز للمتزوجات: «مش شايلة هم أني خربت بيتك بكلامي».. فيديو

وتابعت صفاء جلال: "عملت كبسولة المعدة كانت لطيفة معايا عشان كنت محتاجة أنزل 10 أو 15 كيلو وفعلا نزلتهم وبكمل دايت وبروح الجيم".

وأكملت: "الناس اتخضت من شكلي واتعذبت بعدها، وطبعا لو حلفت دلوقتي إني عمري ما عملت عمليات تجميل محدش هيصدقني".

وواصلت: "ما أفعله مجهود على أي ست وبالذات اللي عدت 45 لأنها بتبقى عارفة أنها بتبذل مجهود أكتر من بنوتة عندها 20 سنة، والناس متعودين عليا من أيام الضوء الشارد كنت رفيعة جدا وبحاول على قد ما بقدر أوصل لشكل لطيف والناس تتقبله".