السيسي: «الناس كانت متصورة إن كورونا آخر العالم لكنها انتهت بفضل الله»
قال الرئيس عبد الفتاح السيسي، إن الناس منذ عامين كانت تعتقد أن أزمة كورونا آخر الدنيا: "لو كنتم شوفتم من سنتين في حفل مماثل زي ده، كلنا كنا واقفين ولابسين كمامات علشان كورونا واللي كان موجود فيها، والناس كانت متصورة إنه آخر الدينا، لا مش آخر الدنيا ولا حاجة، وانتهت بفضل الله سبحانه وتعالى وعدت زي كتير من الأزمات ما عدت وحتى الأزمة اللي إحنا فيها دلوقتي ستمر بإذن الله".
ووجه الرئيس السيسي التحية والتهنئة للخريجين من الكليات العسكرية، قائلًا: "أتمنى لهم كل التوفيق في حياتهم، يعني لسه أول خطوة النهاردة في حياة الضابط المتخرج وده الحقيقة يمثل خطوة مهمة قوي، وخطوة رائعة وعظيمة في حياتك، وحياة كل الخريجين إن شاء الله، سواء الكليات العسكرية أو حتى الكليات المدنية".
اقرأ أيضًا: نسخة من القرآن الكريم.. مدير الأكاديمية العسكرية يهدي تذكارا للرئيس السيسي
وتابع: "خليني أقول لكم، في الدنيا الموجودين فيها الأمور دايما بتكون متغيرة، ولكن إرادة الإنسان، وقبل منها بدعم من ربنا سبحانه وتعالى ومشيئته كل الأمور حتى الصعبة يتم التغلب عليها".
اقرأ أيضًا: عاجل| خريجو الكليات العسكرية يحلفون يمين الولاء بحضور الرئيس السيسي
