الفن

مصطفى كامل وصبري فواز على صفيح ساخن بسبب «قشطة يابا».. تفاصيل

الجمعة، 21 أكتوبر 2022 10:01 صـ بتوقيت القاهرة

سخر الفنان صبري فواز من قرارات الفنان مصطفى كامل بشأن إيقاف تصاريح غناء مؤديين المهرجانات بشكل مؤقت، وطرح سؤالًا حول أغنية مصطفى كامل الشهيرة "قشطة يابا".

صبري فواز يسأل الفرق بين المهرجانات وأغنية قشطة يابا

كتب الفنان صبري فواز عبر حسابه بموقع التواصل الاجتماعي "فيس بوك": "عاوزين حد متخصص من نقابة المهن الموسيقية يفهمنا ويعلمنا، إيه الفرق بين المهرجانات وقشطة يابا".

هيثم سعيد يرد على صبري فواز

وتلقى صبري فواز الكثير من التعليقات التي كان من بينها تعليق المغني هيثم سعيد، والذي قال: "أقول لحضرتك يا أستاذ صبري قشطه يابا، الشاعر بيقدم الكلمات للمصنفات الفنية مكتوبة قبل التنازل للمطرب، بتفحصها لجنة قراءة للتأكد من خلوها من أي ألفاظ أو إيحاءات غير لائقة ومن أصالتها، وبعد الموافقة اللي بتستغرق ثلاث أيام عمل بييجي الشاعر مرة كمان عشان يستلم الموافقة وبعدين يعمل بالتصريح التنازل للفنان عشان يدخل يسجل الأغنية وبعدها يطرحها، وإن لم يتم الموضوع بالألية السابقة تقوم النقابة باتخاذ الإجراء المناسب نحو الفنان النقابي سواء كان عامل أو منتسب، بالإيقاف أو الغرامة".

وتابع هيثم سعيد إجابته على الفنان صبري فواز وقال: "أما المهرجان بيكتب الأغنية ويسجلها ويطرحها، يعني الفرق ما بينهم زي الفيلم اللي حضرتك بتمثله كده وأفلام التيك توك بتاعة إيه ده ده مالطو، أو الفيلم الإباحي اللي أتصور عند الهرم أو أي محتوى درامي خاص يعرض على النت بدون رقابة بس يا أستاذنا".

رد صبري فواز على هيثم سعيد وكتب: "طبيعي خالص إنه لما يبقى في حاجة مش فاهمينها نسأل أهل التخصص، وده اللي أنا عملته، والوحيد اللي رد عليا هو أستاذ هيثم كتر خيره، ومن إجابته فهمت إن الفرق بين الاتنين، إن دول واخدين تراخيص ودافعين رسوم، ودوكهما مش واخدين تراخيص ولا دافعين رسوم، شكرًا على التوضيح، وأنا كده فهمت والموضوع انتهى، ألف شكر".

صبري فواز يتعرض للسباب بسبب أغنية قشطة يابا

وكشف صبري فواز إلى أنه تعرض للسباب بسبب سؤاله حول أغنية قشطة يابا للفنان مصطفى كامل نقيب الموسيقيين الحالي وبين أغاني المهرجانات، وكتب: "غنوة قشطة يابا كانت في سياق الدراما وأستاذ مصطفى راجل عظيم والمهرجانات وحشة وحاشة كخة خالص، وأنا اتعلمت كتير من الردود والرسايل الكتيرة، بس يا جدعان علمونا بالراحة، من غير شتايم، اللي بيعلم حد، يعلمه بالراحة من غير شتيمة، لحسن كده التلاميذ هتهرب ومش هيتعلموا".