الحوادث

«حلم إني بخونه».. سيدة تروي أسباب إضرام زوجها النيران في فراشهم

الإثنين، 24 أكتوبر 2022 05:37 مـ بتوقيت القاهرة

القاهرة

وقفت سيدة تدعى «ليلى» تبلغ من العمر الـ29 عامًا، أمام قاضي محكمة الأسرة بمصر الجديدة، في حالة من الخوف والذهول يكسو وجهها لتقول أنها تريد الخلع من زوجها، بعد أن اكتشفت أنه يعاني من الخيالات والشك.

وأضافت ليلى في دعواها أمام محكمة الأسرة "ليس ذلك فقط بل هناك الأسوأ، لقد تزوجت زواج صالونات وفي يوم الدخلة اتفاجأت به يضربني بع العلاقة الحميمة ظنا منه أنني مارستها مع غيره".

وتابعت الزوجة وهي في حالة ذهول : "أنا يتيمة الأب وأمي ست طيبة أوي وربتني أنا وأخواتي بعد وفاة والدي وكانت هي كل حاجة لينا، وكان نفسي أشيل عنها الحمل شوية، عشان كدا واقفت لما أتقدم ليا«أحمد» هو وخاصة أنه مرتاح ماديا، وأسرته كانوا شارينى وبيوافقوا على كل حاجة حتى الجهاز ساعدونا فيه".

وأكدت الزوجة : "ولكن اكتشفت بعد الجواز أن المساعدة مش لوجه الله، دا هو مريض نفسي وأنه رافض يتعالج وأسرته رافضين وعشان يشيلوا الهم عنهم ويرحم أخواته البنات اللي حبسهم في البيت ساعدوه أنه يتجوز عشان يبعد عنهم واتفاجأت أنى عايشة مع مريض نفسي في البيت".

وتابعت الزوجة: "كان على طول بيضربني بعد ممارسة العلاقة الشرعية وكان يقول لي أكيد كنتي بتعملى كدا مع غيري ويتخيل أنى عملت كدا وبعد الضرب فيا يرجع يقول لي متزعليش حقك عليا، وكنت أسكت عشان مرجعش لأمي مطلقة والناس متتكلمش عليا، لحد ما في يوم طلبت منه أن يروح لدكتور رفض واتجنن عليا وتعدى عليا بالسب والضرب، وسكت لكن هو زاد في جنانه ووصل به الحال إنه وهو نايم حلم أني بخونه مع شخص آخر، ولما صحي قام ولع في الملاية وأنا نايمة على السرير".