«في ناس عاوزة تغتالني».. محمد رمضان يعلن دخوله في حرب جديدة

تحدث الفنان محمد رمضان عن الحملات المُقامة ضده في الفترة الأخيرة عبر مواقع التواصل الاجتماعي.

وقال محمد رمضان في تصريحات تليفزيونية له: "مش عارف مين أعدائي ومبحاولش أعرفهم، المهم إن أنا مؤمن بنفسي وبأحلامي، والحرب دلوقتي بقت كمان حرب معنوية في ناس عايزة تغتالني معنويًا، وفي الأول كنت فاكر إن الحرب من زمايلي بس دلوقتي أنا بقول إن مفيش أي حاجة بيني وبين زمايلي".

وأضاف: "طموحي ملوش حدود ولسه محققتش منه 1% حتى، أنا عمري ما كنت مغرور، لإن الطموح والغرور مينفعش يجتمعوا في شخص واحد والناس من بعيد هى اللي بتقول كده لكن اللي بتعامل معايا بيقول عكس كده خالص، وأنا واثق في ربنا إنى هقدر أحقق أي حاجة".

وبالحديث عن الغناء، أكد "رمضان" أن الغناء جاء معه بمحض الصدفة، قائلا: "كنت عامل أغنية في إعلان ونجحت جدًا وسمعت في مصر كلها، وأنا صوتي حلو في نوع المزيكا بتاعتي لكن هو ملوش علاقة بالطرب".

اقرأ أيضًا .. أحمد سعد يعلن موعد طرح أغنية «ليه بداري» من فيلم «هاشتاج جوزني»