عمرو أديب عن فوز الأهلي في السوبر: «هي ليلة زرقاء»
علق الإعلامي عمرو أديب، على فوز النادي الأهلي ببطولة كأس "السوبر المصري".
وقال أديب، خلال برنامجه "الحكاية"، المذاع على قناة إم بي سي مصر: "قدري أنا الحاجة تيجي في وشي أنا".
وأضاف أديب: "الزمالك كان يشعر بالثقة بشكل زائد عن اللزوم، ومن الوارد أن المدرب لم يؤهلهم بشكل جيد".
وتابع: "فاكرين لما يلعبوا بالفانلة الزرقاء هنكسب، اهى بقت ليلة زرقاء على دماغنا".
وأكمل: "اللي تعب النهاردة هو الأهلي، واللاعيبة كلها بتلعب في مراكزها، نص لاعبي الزمالك كانوا بيلعبوا في أماكن غلط، كله النهاردة كان شمال وتعبان ومش قادر".
وواصل: "الأهلي كان أحسن، ولو الزمالك فضل مكمل كده ينسى، الأهلي كسر نحسه النهاردة، الأهلي لما بيتفتح معاه الحظ قول يا رحمن يا رحيم".
واستكمل: "ماتش وعدى، أنا مبعتبرش السوبر مهم، الأهم هو الدوري والكأس".
وأردف: "دي لياقة النادي الأهلي وخطة النادي الأهلي، كان عنده نفس وإصرار واللاعيبة كانت بتلعب بشكل انتحاري، مش موضوع روح الفانلة".
