«أنت حر».. تعليق قوي من شوبير على تهديد مرتضى منصور بإيقاف النشاط

علق الإعلامي أحمد شوبير، حارس مرمى الأهلي السابق على تهديد مرتضى منصور رئيس الزمالك، بإيقاف النشاط الرياضي في القلعة البيضاء، بسبب محترفي الكرة الطائرة وكرة السلة.

وقال شوبير في تصريحات عبر برنامجه الإذاعي "مع شوبير" على راديو "أون سبورت": "الزمالك جايب اتنين لعيبه أجانب واحد في فريق الباسكت والثاني في فريق الطايرة، النادي جايب اللعيب بتاع الباسكت ده لوحده بنصف مليون دولار".

وتابع: "في رسوم للاتحادات لازم تدفعها عشان تسجل اللاعب، اتحاد السلة قال للزمالك لما راح يسجل اللاعب، يا فندم ادفع الرسوم، قالهم لا مش هدفع، قاله مش هتسجل، قالهم لا هسجل، قالولوا طب شوف اللي هيسجلك".

وواصل: "اتحاد الطايرة ناس ذوق، قالوله طب اعملنا شيك كده عشان التسجيل، والشيك ده حين ميسرة، فأنا مش فاهم يعني أكون دافع في لاعب باسكت نصف مليون دولار ومش عايز تدفع رسوم التسجيل؟".

اقرأ أيضًَا: هل تتعارض مواعيد مباريات الدوري المصري مع كأس العالم؟. اتحاد الكرة يرد

واختتم شوبير تصريحاته: "لا والزمالك بيقول هوقف النشاط لو اللعيبة متسجلتش، طب يا سيدي وقف، أنت حر، أنت دافع نصف مليون دولار في لاعب باسكت، اعتبر إنك جبته بـ 550 ألف دولار وادفع الرسوم".