«حبيبته بس مش مراته».. زينة تكشف عن شخصيتها في مسلسل «العمدة» مع محمد رمضان

كشفت الفنانة زينة عن شخصيتها في مسلسل "العمدة" وكواليس عملها مع الفنان محمد رمضان، وذلك من خلال لقاءها في برنامج et بالعربي.

وقالت "زينة": "أنا قطعت شوط كويس وصورت المشاهد بتاعتي كلها مع محمد رمضان في لبنان وكانت رحلة موفقة الحمد لله".

وأضافت: "محمد رمضان مع محمد سامي يساوي نجاح، هما الاتنين ناجحين مع بعض ربنا يستر بقا لما أنا كمان دخلت الموضوع هيكون جميل وفي قصة حلوة وكيميا بينا من نوع خاص ويارب يعجب الجمهور".

وعن علاقتها ببطل العمل داخل الأحداث، تابعت "زينة": "في قصة حب بينا بس أنا مش من زوجاته الأربعة أنا ليا قصة تانية خالص، وفي اتفاق بيحصل بين الشخصيتين وهنشوف هيتم على ايه في الأحداث".

وبعد توجيه سؤال لها عن إمكانية تأثير صداقة محمد رمضان ومحمد سايم على دورها في المسلسل أو إزالة مشاهد لها، قالت "زينة": "أنا عمري ما دخلت عمل وكان ممكن حد يظلمني في دوري لإن أنا بكون بطلة العمل، واسمي هو اللي بيحدد وجودي مهم للعمل أو لا ولو مش مهم جابوني ليه ودفعولي فلوس، مستحيل حد فينا يعمل في حد كده كلنا عايزين نساعد بعض".

مسلسل "العمدة"

المسلسل من بطولة محمد رمضان، زينة، إيمان العاصي، مى كساب، أحمد داش، عصام السقا، هيدي كرم، هالة صدقي، مجدي بدر، فريدة سيف النصر ومن تأليف محمد سامي بمشاركة مهاب طارق، ومن إخراج محمد سامي، ومن المقرر عرضه في السباق الرمضاني القادم 2023.

اقرأ أيضًا.. بعد 16 عامًا.. كريم عبد العزيز مع منة شلبي في ”بيت الروبي”