«خليك في حالك».. رد ناري من هند عاكف على هجوم شقيق ياسمين عبد العزيز «خاص»

ردت الفنانة هند عاكف على الفنان وائل عبد العزيز شقيق الفنانة ياسمين عبد العزيز، بعد هجومه عليها لحضورها مهرجان القاهرة السينمائي في دورته الـ 44 بدون دعوة.

قالت هند عاكف، في تصريح خاص لـ"الطريق": "بوست وائل عبد العزيز تافهة وملوش أي أهمية، خليك في حالك، أنت مين اساسا، خليك في حالك".

أضافت هند عاكف: "مش عايزة اشغل بالي بالمواضيع التافهة الصغيرة ومش عايزة أهتم بحاجات ملهاش لازمة يعني، الناس اللي ما تستحقش الاهتمام لو انت اهتميتي بيهم بتسلطي الضوء عليهم وأنا بصراحة مش عايزة اسلط الضوء على ناس مغمورة".

أكملت: "ناس بتدخل نفسها في أشياء ملهاش علاقة بيها نهائي وهي غير مسؤولة أن هي تقول رأيها في حاجات زي كده، وبعدين الموضوع ده يخصني أنا لوحدي ما يخصش حد تاني، كل بقى الناس اللي عايزة بقى تركب على الموضوع وتتكلم وتعمل حوارات وحواديت دي بالنسبة لي دي ناس فاضية".

أوضحت الفنانة: "المهرجانات هنا بروحها من زمان، والناس كلها عارفة، أنا بعدت شوية مجال الفني ورجعت تاني وبإرادتي الخاصة مش غصب عني يا جماعة".

اقرأ أيضًا: «فقد بصره قبل وفاته ونسوا جثمانه في المطار».. أسرار من حياة أنور وجدي.. صور نادرة