دينا الشربيني: «أنا محظوظة بعائلتي ومبحبش السوشيال ميديا».. «فيديو»
وجهت الفنانة دينا الشربيني الشكر لعائلتها لأنهم داعمين لها دائمًا، كما تحدثت عن علاقتها بالسوشيال ميديا، وذلك خلال لقاءها مع الإعلامية جومانا بو عبود في برنامج "يلا نحكي".
وقالت دينا: "أنا محظوظة بعائلتي جدًا وهما ناس طيبة، ومبيحبوش النكد ولذاذ جدًا، ومبنحبش نتكلم على أى حد، ولما بيكون عندي مشكلة مع حد من صحابي وأروح أحكيلهم دايمًا بيقعدوا يفكروني بمواقفه الحلوة معايا".
اقرأ أيضًا.. دينا الشربيني تكشف كواليس حكاية «ولو بعد حين» وعلاقتها بشيرين رضا.. «فيديو»
علاقة دينا الشربيني بالسوشيال ميديا
وعن علاقتها بالسوشيال ميديا، أضافت: "مبحبش السوشيال ميديا مع إنها مهمة، والفكرة مش بس في إني مش بحبها أنا مش بحب أتدخل في حياة حد أيًا كان هو مين، السوشيال ميديا ممكن تظهر إن الإنسان حياته كويسة جدًا وهى مش كده".
دينا الشربيني توجه رسالة لمستخدمى السوشيال ميديا
وتابعت: "ياريت كل واحد يركز في نفسه ويهتم باللي حواليه، والسوشيال ميديا ممكن تستخدميها كويس وتبقى مفيدة وممكن تستخدميها وتأذي شخص، لكن بحب التيك توك جدًا ولازم نستخدمه صح، ولازم يكون فيه رقابة من الأهل على الأطفال اللي بيستخدموه".
اقرأ أيضًا.. دينا الشربيني: «في أدوار بوافق عليها وأدوار تانية بقول مستحيل أسيبها».. «فيديو»
