مرتضى منصور: «محمود الخطيب مريض ومش طبيعي وعنده مشكلة معايا»

واصل مرتضى منصور رئيس مجلس إدارة نادي الزمالك، هجومه على محمود الخطيب رئيس الأهلي على خلفية الأزمات التي حدث بين الثنائي في السنوات الأخيرة.

وقال مرتضى منصور في تصريحات عبر برنامج "زملكاوي" المذاع على قناة "الزمالك": "محامي كهربا اتصل بيا وكان بيترجاني أوافق على تقسيط غرامة كهربا وأنا قلت لا".

وتابع: "3 حاجات مش هوافق أعملها، مش هوقع على عقد الرعاية بالسعر المعروض من الشركة الراعية، ومش هقسط غرامة كهربا ولا هعتذر لـمحمود الخطيب".

وواصل: "لو العلاقة محترمة وفيها تحضر بين الزمالك والأهلي مفيهاش كذب ولا لجان بتشتمنا 24 ساعة، كنا هنوافق على تقسيط غرامة كهربا".

وأضاف: "محمود الخطيب، لو رفع سماعة التليفون وقال يا أستاذ مرتضى، عاوز نخلص موضوع كهربا بطريقة ودية بعيدا عن المحاكم أهلًا وسهلًا به".

اقرأ أيضًا: قلق في الزمالك قبل مباراة بيراميدز بسبب عمر جابر

وأوضح مرتضى منصور تصريحاته: "محمود الخطيب مريض ومش طبيعي أنا اللي طبيعي، وهو اللي عنده مشكلة معايا مش أنا، ما هو أنا لو مكنتش طبيعي كنت أقول عليه أفضل لاعب في تاريخ مصر".

واختتم رئيس الزمالك تصريحاته: "أنا مؤلف قانون ومن أفضل المحاميين في الوطن العربي".