مصطفى قمر: «أنا امتداد للمطرب الراحل محمد فوزي»
تحدث المطرب مصطفى قمر، عن تقديره الشديد وحبه للفنان الراحل محمد فوزي، وكشف عن تعاونه مع النجم أحمد زكي في فيلم "البطل"، وعن بداية دخوله مجال التمثيل.
تصريحات النجم مصطفى قمر في برنامج أنغام
وقال النجم مصطفى قمر، خلال لقائه في برنامج "أنغام": "أنا امتداد للمطرب الراحل محمد فوزي، وأنا بحبه جدا وكنت عايز أبقى زيه".
مشاركة مصطفى قمر في فيلم "البطل"
وتحدث مصطفى قمر، عن مشاركته في بطولة فيلم "البطل"، قائلا: "فيلم البطل، كان أول فيلم ليا مع أحمد زكي، وكنت محظوظ جدا، والراحل سامي العدل كلمني قالي مش نفسك تمثل سينما قولتله يا ريت، وجابلي ورق فيلم البطل، وكلمني بعدها وقالي في مفاجأة لو عرفتها مش هتاخد فلوس من الفيلم، ولما روحتله قالي إنت هتمثل مع النجم أحمد زكي، قولتله همضي فين ومسالتش على الفلوس".
اقرأ أيضًا: موعد عرض مسلسل «موضوع عائلي 2» الحلقة الأولى
وأردف مصطفى قمر: "لما قابلت الفنان أحمد زكي، قالي ماتخدوا شريف منير أنا عجوز، قولتله أنا وافقت أعمل الفيلم عشان إنت فيه، وكل شوية يقولي نصيحة في التصوير، وطلعت قوي جدا في البطل".
مفاجأة فيلم "أولاد حريم كريم"
وأعلن النجم مصطفى قمر، عن بداية تصوير فيلمه الجديد "أولاد حريم كريم"، وأعرب قائلا: "خلصنا ورق الفيلم واسمه أولاد حريم كريم، وبيتكلم عن إن الأولاد كبروا وبيكملوا المسيرة وتيام هيبقى من أبطال الفيلم".
