بعد نجاتها من حادث حريق.. ياسمين علي: «بلاش ضحكي يخدعكم»

كشفت المطربة ياسمين علي، عن نجاتها وعائلتها من حادث حريق بمنزلها، وذلك عبر حسابها بموقع فيسبوك.

وأشارت ياسمين علي، إلى أنها كانت تشاهد التليفزيون مع عائلتها، وبعد ذهابها إلى غرفتها فوجئت بحريق أعلى السقف: "من العادة ببقي قاعدة مع بابا وماما ويحيى بنتفرج عالتليفزيون قمت عشان أروح أوضتي أنام.. دخلت الأوضة قعدت دقيقة شامة ريحة بلاستيك محروق ومش فاهمة الريحة جاية من فين".

وتابعت: "فجأة دون مقدمات وربنا عالم باللي حاقوله (لقيت السقف على وسعه مولع نار كله بمعنى الكلمة وفجأة النار اتشفطت وبقت مختصرة فالشكل اللي انتوا شايفينه ده وقفلنا الكهرباء ورشينا ميه) كل ده في لحظات، أتاري الجار من فوق في مياه بتنزل من عنده عالسقف عندنا فعملت ماس فالكهرباء وحصلت النار اللي شوفتها دي".

واستكملت: "لو ماكنتش دخلت الأوضة في التوقيت اللي روحت فيه، الله أعلم كان حصل إيه..وقبلها بكام يوم كنا لسه عاملين حادثة بالعربية مع عربية نقل كبيرة".

واختتمت: "ما تتخدعوش بالضحك اللي بضحكه.. كل واحد له فيلم عايشه.. احمدوا ربنا على كل لحظة أمان انتوا عايشينها دون ترويع وعدم ستر ومتبصوش لحياة حد أبدا من بره".

اقرأ أيضًا: أسعار تذاكر مسرحية «سيدتي الجميلة» قبل عرضها يومي 30 و31 ديسمبر