عمر كمال عن دعم مستشفى 57357: هتبرع بمقدرتي وهغني عشان أفرح الأطفال

وجه مؤدي المهرجانات المطرب عمر كمال، رسالة خاصة لدعم مستشفى سرطان الأطفال 57357، وذلك بعد انتشار خبر إمكانية غلقها بسبب نقص التبرعات لها.

وشارك الفنان عمر كمال مع متابعيه، مقطع فيديو له عبر حسابه الرسمي على موقع التواصل الاجتماعي "انستجرام"وعلق عليه قائلا: "لازم نشارك كلنا في المبادرة دي.. انقدوا مستشفى 57357".

وأعرب خلال الفيديو، وقال: "أنا شوفت مباردة الفنان عمرو يوسف عن مستشفى 57357، وأنا مكنتش أعرف إن المستشفى لقدر الله ممكن تتقفل أو تفلس وميكنش عندها قدرة إنها تعالج الناس، أنا عارف إن الدنيا مزنقة علينا كلنا وممكن يكون معاك فلوس وبردو الدنيا تزنق عليك".

وأضاف: "أنا واحد من الناس اللى قررت أروح أفرح الأطفال اللي هناك واللي ربنا يقدرني عليه وهتبرع بيه، وإن شاء الله ربنا يجعلنا سند لبعض وياريت كل الفنانين زملائي يعملوا كدة لأن البلد دي خيرها علينا كلنا ودي كمان حاجة لله، وشكرا للفنان عمرو يوسف اللي نبهنا لحاجة زي دي".

وفي سياق آخر، ناشد النجم عمرو يوسف المواطنين بدعم مستشفى الأطفال 57357، وذلك من خلال فيديو له عبر موقع "إنستجرام"، وأعرب قالا: "محدش طلب مني أعمل الفيديو دا، ومستشفى 57357 هذا الصرح العظيم بيقفل، والمستشفى دي قائمة بشكل كبير على تبرعاتنا وفيه فرع في طنطا سمعت إنه هيقفل".