مرتضى منصور: «أنا أنقذت الزمالك.. وفتوح مستخبي علشان تأثير المخدرات»
كشف مرتضى منصور، رئيس مجلس إدارة نادي الزمالك، تفاصيل جديدة بشأن أزمة عبد الله جمعة وأحمد فتوح، ثنائي الفريق الأول لكرة القدم.
وكان رئيس الزمالك قد فجر مفاجأة من العيارالثقيل، بشأن استبعاد الثنائي من مباراة الداخلية الأخيرة، وهو اعترافهم بتناول مواد مخدرة قبل اللقاء.
وقال مرتضى منصور، في تصريحات عبر قناة "الزمالك": "اللي طالع بيقول إني فضحت عبد الله جمعة وفتوح، ميعرفش إن لو مكنتش قولت كدة الزمالك كان هيتوقف".
وأوضح: "فتوح قال أنا مش هلعب علشان عندي كورونا، ودا كان ممكن يعرض الزمالك للإيقاف سنتين، والمنظمة الدولية أخدت إجراء، لما شافت إن الزمالك حول اللاعيبة للتحقيق".
وواصل: "اللجنة سألت فتوح طلع ليه من قايمة مباراة الداخلية، وطبيعي الكورونا بتعدي، فلما سألوا على فتوح مكنش موجود".
وشدد: "أنتم عايزين الزمالك يتوقف سنتين عشان عيل تافه، هو مستخبي ليه ومجاش التدريب، علشان تأثير الحاجات دي يروح من جسمه".
اقرأ أيضًا: قطار الأهلي يعتلي الصدارة.. ترتيب الدوري بعد انتهاء مباراة فيوتشر وسيراميكا
واختتم مرتضى منصور تصريحاته: "فتوح عيل صايع وقالي مش عاوز ألعب في الزمالك، وهجيب عرض وسيبني أمشي، وأنا عملت كده علشان الزمالك ميتوقفش".
