الفن

إنجي وجدان: «والدتي عقدتني في حياتي بسبب التخن».. فيديو

الأربعاء، 11 يناير 2023 07:59 مـ بتوقيت القاهرة

تحدثت الفنانة إنجي وجدان عن عن تشجعيها للفتيات لعدم اكتساب وزن زائد، مؤكده أنها كانت فتاة رياضية وأن والدتها ما زالت حتى الآن تطالبها بانقاص وزنها.

قالت إنجي خلال لقاءها في برنامج "الستات" على قناة "النهار": "أنا مش بشجع البنات إنها تتخن، أنا بس عيزاهم يبقى عندهم ثقة في نفسهم ويحبوا نفسهم وبعد كده حياتهم هتتغير، وفي موديلز كتير قوي بس ثقتهم في نفسهم صفر وعشان كده حياتهم بتتدمر".

وأكدت أنها بدأت أقول جملة "إنتي جميلة زي ما انتي" من 2016، بعد ما ولدت إبنى الأول، ولما كنت حامل كنت بشوف كومنتات كتير ناس بتقولي إيه ده انتي تخنتي كده ليه؟ طيب ما هو طبيعي أنا حامل، وفي الوقت ده كان بيجيلي رسايل كتير من بنات مش واثقة في نفسها وستات خايفة من خيانة أزواجهم".

إنجي وجدان: كنت رياضية وماما عقدتني بسبب التخن

وأضافت: "موضوع تخني ده معقد جدًا، أنا كنت رياضية قوي وكنت بلعب باليه مائي وكنت بدخل بطولات والمفروض كنت أروح المنتخب وبطلت لعب وبدأت أتخن، فوالدتي قررت إنها تعقدني في حياتي بسبب التخن وضغطت عليا كتير، فدخلت في دوامة الأكل والتخن ومبقاش عندي ثقة في نفسي، ولحد دلوقتي بتقولى إنتي تخنتي قوي مش هتروحي جيم".

إنجي وجدان توجه رسالة للآباء والأمهات

وتابعت: "وبقول للأهالي إن كتر الضغط على أولادكم في موضوع التخن ده بيأثر على نفسيتهم، يعني مامتي أقرب واحدة ليا في الدنيا فلما تبقى هى اللي بتضغط في الموضوع ده ومش شيفاني حلوة ده بيأثر بالسلب عليا، وماما كانت متعقدة إن كل صحابها أرفع منها وهى مكنتش عيزاني أبقى زيهم، فغصب عنها بقت بتضغط عليا".

آخر أعمال إنجي وجدان

يذكر أن آخر أعمال الفنانة غنجي وجدان، مسلسل "ونسني" عام 2020، مع الفنان محمود الليثي، أحمد سلطان، حازم إيهاب، بسنت شوقي، سارة درزاوي، عبير منير، هنا غنيم، حنان سليمان، سامي مغاوري، أسامة عبد الله، ومن إخراج رامي رزق الله.