بعد انفصالها عن بيكيه.. ياسمين عز لـ شاكيرا: «النهايات أخلاق»
علقت الإعلامية ياسمين عز، على انفصال المغنية شاكيرا وبيكيه، نجم فريق برشلونة الإسباني ، قائلة: "بدل ما تلوميه لومي نفسك، بيكيه مكانش متحمل أن صوتك عالي، بدليل أغانيكي صوتها عالي، وطبقة صوتك عالية".
وأضافت ياسمين عز، خلال برنامجها "كلام الناس"، المذاع على قناة إم بي سي مصر: "مينفعش تبقا سيرتكم كدا وسط الناس، مينفعش ابنك لما يروح المدرسة يعايروه بأمه وأبوه".
وتابعت: "شاكيرا مبتسيبش مناسبة غير لما تلقح على جوزها وأبو عيالها بيكيه، أنا مقدرة وجعها وحرقه قلبها على عشرة عمرها".
وأكملت: "أنتي قولتي إحنا انفصلنا عشان مصلحة ولادنا، فربنا يهدي سرك، عيالك بالدنيا، الموضوع خلص خلاص ولازم تخلي بالك منهم، والله أعلم باللي حصل".
