«مكانك مستشفى الأمراض العقلية».. نجم الأهلي يفتح النار على مرتضى منصور بسبب الخطيب

شن أسامة حسني نجم الأهلي السابق، هجومًا عنيفًا على مرتضى منصور رئيس نادي الزمالك، بعدما حسم المارد الأحمر مباراة القمة 125 لصالحه، في المباراة التي جمعتهما أمس السبت.

وقال أسامة حسني في تصريحات عبر قناة "الأهلي": "أبارك للكابتن محمود الخطيب، وربنا اسمه العدل ولو كان مستوى الأهلي سيئ، الأمور إللي خارج كرة القدم فربنا اسمه العدل، مينفعش واحد كل يوم مفتوح له الهوا يطلع يسب الناس والأمهات بأبشع الألفاظ وربنا ينصره".

وشدد: "استحالة تبقى فتنة في الأرض، علشان كدة أنا بقول النهاردة قبل ما تكون مباراة كرة قدم، دا عدل ربنا، حتى الأهلي لو كان وحش، عندي يقين إن ربنا هينصر الأهلي".

وتابع: "الهوا مفتوح لواحد وشله معاه للشتمية كل يوم، ومفيش حد بيقول عيب في دولة كبيرة زي مصر، الأهلي عنده مجلس إدارة وناس بتشتغل وبتعوض النواقص، وشوفنا دا في تدعيمات يناير".

وأوضح: "خالد عبد الفتاح أحد نجوم المباراة ومكسب كبير لمنتخب مصر وليس الأهلي فقط، ومروان عطية ومحمود كهربا أيضًَا، الناس شغالة علشان تعرف المشاكل فين وتحلها".

اقرأ أيضًَا: عاجل.. أمير مرتضى يتقدم باستقالته من منصبه في الزمالك

واختتم أسامة حسني تصريحاته: "مش مستني السحر والكلام اللي بتردد كل يوم، أصل الخطيب عامل سحر، واللي بيقول كدة مكانه مستشفى الأمراض العقلية، ودا إنسان دخيل على كرة القدم".