إنجي علاء تشيد بفريق عمل «أزمة منتصف العمر»: مخاطرة فنية جريئة
أشادت المؤلفة إنجي علاء زوجة النجم يوسف الشريف، بفريق عمل مسلسل أزمة منتصف العمر، خاصة النجمة ريهام عبد الغفور والنجم كريم فهمي.
تعليق إنجي علاء على مسلسل أزمة منتصف العمر
وكتبت إنجي علاء، عبر حسابها الشخصي بموقع التواصل الاجتماعي فيسبوك: "في مسلسل أزمة منتصف العمر.. ريهام عبد الغفور خطيرة والدور مرسوم عليها.. ممثلة تقيلة وبتعلي على نفسها والدور ده بالذات محتاج ممثلة من الطراز الرفيع.. كفاية نظراتها.. مشهد الرصيف، ألف مبروووك ريهام عبد الغفور".
وتابعت: "مش هي بس كمان كريم فهمي متفوق على نفسه.. ألف مبروووك يا كريم وبرافو المعالجة الدرامية والنضج الفني والأداء القوي وسعيدة جدا بدور هند عبد الحليم والموهبة الجامدة اللي كانت محتاجة تطلع، برافو يا هند والف مبروووك حبيبتي".
اقرأ أيضًا: عودة حسن يوسف.. التفاصيل الكاملة لمسلسل «بيت السيدة» في رمضان 2023
واستكملت: "عمر السعيد متمكن جدا من الدور.. ألف مبروووك الأداء المتميز، العيد ميلاد باظ، ورنا رئيس كمان متمكنة من الدور، وركين سعد شاطرة جدا والأستاذ رشدي الشامي رهيب والمؤلف أحمد عادل برافو السيناريو المتماسك والمشوق، وموسيقى عادل حقي عجباني أوي وكل ده بفضل المخرج اللي ظابط الإيقاع وبيحكي الحدوتة بسلاسة وعمق والجمع بينهم عادة بيكون صعب.. برافو كريم العدل على المخاطرة الفنية الجريئة والعمل الفني المحترم، تحية لكل القائمين على العمل، وألف مبروك النجاح وتكمل على خير إن شاء الله لأنكم تستاهلوا".
