مؤلف مسلسل «بالطو» يحكي مواقف مضحكة بالوحدة الصحية في العمل
حل الدكتور والكاتب أحمد عاطف مؤلف مسلسل "بالطو" ضيفاً على برنامج "نفسنه" للإعلاميات هيدي كرم، وانتصار، وبدرية طلبه، وحكي عن تفاصيل حقيقية عاشها داخل الوحدة الصحية.
وقال الدكتور أحمد عاطف: كانت تواجهني بعض المواقف الكوميديا أثناء تواجدي للعمل في الوحدة الصحية، ومعظم المواقف الطريفة كانت تحدث من الستات.
وأوضح قائلا: الست تدخل عليا بابنها بيعيط تقولي يا دكتور ابني بيعيط بصوت رفيع، وترد بدرية طلبة قائلة " عايزاه يكون راجلا"، واستكمل حديثه: عايزاه يبدأ بصوت الراحل سامي العدل فكانت دي ضمن المواقف الكوميدية اللي كنت بشوفها في الوحدة الصحية.
وبدأ يحكي أحمد عاطف عن باقي مواقفه قائلاً: الوحدة الصحية اللي كنت بشتغل فيها كانت في الغربية وأول ما استلمت الشغل في النبطشيه بتاعتي ، دخل علينا شخص بلطجي ومعاه صديقه بيقول أنا وقعت وعايز اعمل أشعه، وأنا اللي استقبلته وأنا اللي عملت له الأشعة أكيد مش هقولة مش هتعمل الأشعة.
وأضاف الدكتور أحمد عاطف: طلبت من صديق المريض تذكرة وفضلت أنا والشخص البلطجي لوحدنا ومعانا دكتور مساعد وكان يبادلني نظرات غريبة ومرعبه، وقام مطلع سلاح وبدأ يجرح في رأسه وأنا اتخضيت طبعا من المنظر.
واختتم قائلا: اتجه البلطجي لي أنا والدكتور المساعد ينظر لنا وفي يده السلاح، ثم قمت بحمل الكرسي وضربت الدكتور المساعد بدلاً من البلطجي وهربت.
اقرأ أيضاً:
