ياسمين عز لـ خطيبة شاب مغترب: «احمدي ربنا وبلاش تتبطري على النعمة»
تحدثت الإعلامية ياسمين عز، عن علاقة المخطوبين الجدد وأن البنات في معظم الأحيان تستقوى للقلب على الشباب المضغوط، كاشفة عن معاناة شاب مصري مغترب في مكالمة مع خطيبته، معقبة: "لو أي حد استمع للمكالمة كان هيصعب عليه، وكلامه فعلا كان يصعب على الحجر، ولم يكن يمثل ولا يعلم إن أحد يستمع إليه لكن هذا ما حدث بالفعل".
وأضافت ياسمين عز خلال تقديمها حلقة اليوم من برنامجها "كلام الناس" المذاع عبر فضائية "mbc masr"، أن الشاب يعمل بالنجارة، وقال لخطيبته أثناء المكالمة: "حرام عليكي أنت بهدلتيني معاكي"، وكانت خطيبته مبتسمعهوش وصوتها خارج من التليفون "رشاش مبيفضاش".
اقرأ أيضًا:ناجي إبراهيم: القيادة السياسية وضعت تنمية سيناء أولوية أولى كأمن قومي
وأكمل الشاب: "هو انتي لما اتخطبتي مرتين قبل كده كانوا زيي، ده انا شقيان وتعبان قدريني واعمليلي كرامة، والـ كنتي مخطوبة لهم قبلي معملوش ربع الـ انا عملته معاكي".
وتابع: "أعملكوا إيه إنتي وأهلك سخان المياه معجبكيش، و"بيت النور" معجبكيش، وأوضة النوم معجبتيش، قوليلي ايه يرضيكي وأنا أعمله".
وقالت ياسمين عز: "يا فلانة احمدي ربنا زعلانة عشان بيت النور، ومحدش عارف يركب نور في بيته دلوقتي احمدي ربنا ولا تتبطري على النعمة وهذا ثالت خطيب ليكي"، معلقة: "التالتة تابتة"، ولو سابك هيكون عندنا مشكلة في المجتمعات الشرقية عشان هتكوني اتخطبتي 3 مرات.
