ليلى علوي: «تكريم هاني شنودة كان مفاجأة ولكنه يستحق وبشكر صاحب الفكرة»
تحدثت الفنانة ليلى علوي عن الموسيقار هاني شنودة، على هامش حضورها حفل تكريمه في المملكة العربية السعودية في مدينة الرياض، مؤكده أنها تفاجئت بهذا التكريم وأنه يستحقه.
قالت ليلى علوي: "ذكرياتي كتير جدًا وغالية جدًا مع هاني شنودة، ومن أول ما ابتدينا نسمع موسيقى وكمان مشاركته في أعمال سينمائية، عمل موسيقى تصويرية عظيمة وبقوله ألف مبروك وتكريمه كان مفاجأة لينا ومحدش فكر فيها وبشكر صاحب الفكرة، وكلنا جايين هنا عشان هاني شنودة".
ليلى علوي تتحدث عن الموسيقار هاني شنودة
وأضافت: "هاني شنودة فنان عنده عطاء وحب كبير وإصرار ورضا مع الحياة وبنتعلم منه، ومهما عدى من أزمات دايمًا واقف ومبتسم وراضي وده اتعلمناه منه، السينما معروف عنها إنها الفن السابع لأنها تشمل الفنون كلها، الموسيقى عامل مؤثر ومهم جدًا لصناعة الفيلم وبتقوي شغل المخرج وأداء الممثل وبتوصل حاجات ممكن متتقالش بالكلام ولكن بتتحس، وهاني شنودة عمل أكتر من 150 فيلم وقدم مطربات ومطربين وهو مشواره عظيم جدًا، حتى لو حصل تباطئ في العمل السنوات الأخيرة ربنا يديله الصحة، لكنه عمل كتير ويستحق التكريم، ومبسوطة إن فيه فنانين كتير حاضرين".
