10 تصريحات نارية لـ ناهد السباعي.. منها «جمدت بويضاتي بطلب من والدتي»
أثارت الفنانة ناهد السباعي ضجة كبيرة خلال الساعات الماضية بسبب تصريحاتها الأخيرة، والأسرار التي كشفتها لأول مرة على الهواء، من خلال برنامج vip مع الإعلامية أميرة بدر على شاشة قناة "هي" الفضائية.
تصريحات ناهد السباعي يرصدها موقع وجريدة "الطريق" في السطور التالية، حول أسرارها وقصة تراجعها عن الزواج في ليلة الزفاف، وحقيقة حديثها مع الله، بجانب موقفها المثير للجدل من "تجميد البويضات".
تصريحات ناهد السباعي
- تبرأ محمد رمضان من فيلم إحكي يا شهر زاد أمر مرفوض بالنسبة لي وأنا مستحيل أتبرأ من عمل قدمته، ومش أنا الوحيدة اللي اشتغلت في الفيلم في ناس كتير اشتغلت ومبسوطة وفخورة بشغلها.
- مش صح أطلع وأقول أمام كل الناس إني بتبرأ وبعتذر لأن لو أنا مش مبسوطة بالعمل ده في حد مبسوط إنه اشتغل معايا، وفي مخرج وكاتب تعبوا في العمل.
- فخورة إني اشتغلت في فيلم إحكي يا شهرزاد مع ناس كنت طول عمري بحلم أشتغل معاهم، من أول أستاذ يسري وأستاذ محمود حميدة ومنى زكي وسوسن بدر.
- جمدت بويضاتي بطلب من والدتي كان نفسي أكون أم، وكان لازم أعمل كدة علشان مكونش متسرعة في اختيار شريك يكون معايا أضطر أخلف.
- على طول بضحك لما بتعاكس، وكنت عاملة مشهد في فيلم إكس لارج والناس حافظة كلام المشهد وبقوا يقولولي أنا بحب البوس أوي وعندي 4 حسنات في ضهري ودي من أغرب الحاجات اللي بسمعها.
هروب ناهد السباعي من زفافها
- أنا متأكدة إن اللي أنا فيه أحسن بكتير، وأنا كنت غلطانة ويمكن إني اتصرفت متأخر شوية بهروبي من الفرح وكان لازم أعمل كده بدري.
- لازم البنت تحترم وتقدر نفسها وتعرف تبقى مع حد شبهها.
- علاقتي بوالدتي قوية جدًا، وأنا متعلقة بوالدتي أوي لدرجة إني بنام جنبها في السرير وبحس بالأمان.
- الأب والأم اللي كويسين جدًا مع بناتهم ده بيخليهم عندهم اكتفاء جدًا ومبيبقاش قرار الجواز سهل.
أسرار ناهد السباعي
- أنا مؤمنة بالحسد، لكن مفيش حاجة ومفيش حد يقدر يضر حد غير بإذن ربنا.
- أنا مواظبة على الأذكار اللي هي آية الكرسي وخواتيم صورة البقرة والمعوذتين وصورة الإخلاص، الصبح وبليل، وبصلي وبكلم ربنا وبحس إن الواحد لو كلم ربنا بـ أسلوبه أحسن ما يقرأ كلام من أدعية.
- طلبت من ربنا كل اللي أنا فيه دلوقتي.
- مفتقدة جدًا إحساس أني أشوف أخويا تاني أنا مفتقداه، وإحنا كآل فريد شوقي بنحب نتجمع ونتقابل وعندنا صلة رحم كبير.
