أحمد العوضي عن نهاية مسلسل «ضرب نار»: «مفيش حد هيتوقع حاجة وتطلع صح»
تحدث الفنان أحمد العوضي عن نهاية مسلسل ضرب نار، مؤكدًا أنها لن تكون حزينة مثل نهاية الخديوي في اللي ملوش كبير، ولكن الأحداث القادمة غير متوقعة بالمرة.
قال أحمد العوضي مع فاطمة مصطفى في برنامج "الراديو بيضحك": "أنا وعدت الناس من قبل رمضان إننا هنقدم مسلسل قوي ويحترم المشاهد، وقولت الأحداث غير متوقعة ومحدش يحاول يتوقع لإنها هتبقى غلط، والمسلسل غير متوقع بالمرة ورايحين في حته تانية خالص".
أحمد العوضي عن مسلسل ضرب نار
وأضاف: "اللي إحنا واقفين فيه ده مسلسل وخلص واللى جاى مسلسل تاني وفيه مسلسل ثالث، الناس كلها متوقعة إني هموت زى الخديوي لا أنا مش هموت، أكيد إحنا عندنا حتى لو شوية ذكاء ومش هنكرر نفسنا أبدًا، ومفيش حاجة حد هيتوقعها هتطلع صح".
مسلسل ضرب نار
تدور أحداث مسلسل "ضرب نار" حول مهرة التي ترعى أشقائها بعد وفاة والديها، وتقابل جابر الذي يهرب من الصعيد بسبب الثأر وتنشأ بينهما قصة حب ولكن تحدث الكثير من العوائق والمشكلات التي تفرقهما.
