إيمان السيد عن دورها في «ضرب نار»: «ياسمين كانت عاوزاني أكون في مساحة أكبر»
وجهت الفنان إيمان السيد، رسالة عن مشاركتها في مسلسل "ضرب نار "، مع النجمة ياسمين عبد العزيز والنجم أحمد العوضي، الذي يعرض حاليا.
إيمان السيد تعلق على مشاركتها في مسلسل ضرب نار
وكتبت إيمان السيد، عبر حسابها الشخصي بموقع التواصل الاجتماعي فيسبوك: "بحمد ربنا على رد الفعل اللي وصلني على دوري في مسلسل ياسمين عبد العزيز مسلسل ضرب نار بالرغم من صغر مساحته، ووصلني رسايل وقرأت تعليقات كتير وبوستات وناس بتعاتبني على دا".
وتابعت: "أنا عاوزة أقول حاجة، ياسمين إذا كان عليها عاوزاني أكون في مساحة أكبر من كدا بكتير، وطول عمرها واقفة معايا وفي ضهري، ربنا يكرمها، لأنها إنسانة تستاهل كل حاجة حلوة، طول عمرها بتحب الخير للناس وبتحب كل الناس تظهر في أحسن حالة، وكذلك شركة الإنتاج اللي بشكر كل اللي فيها حقيقي ماشوفتش منهم غير كل احترام وتقدير ومش مقصرين في أي حاجة في سبيل إن العمل يطلع على أكمل وجه".
واستكملت: "الحمدلله ربنا كريم ومش بيضيع تعب حد، فحتى رغم قلة المواقف وندرة الحوار المكتوب بالنسبة لشخصية شيرين كل اللي اشتغلت عليه في الشخصية لاقى صدى طيب عند الناس ودي أهم حاجة".
