محمد سامي بشأن انفعاله على الفنانين: «بيبقى بليد ومواعيده مش مظبوطة»

تصدر اسم المخرج محمد سامي، محركات البحث بموقع "جوجل"، وذلك بسبب تصريحاته التلفزيونية الأخيرة، حيث فجر عدد من التصريحات النارية والمثيرة للجدل بسبب انفعاله على الفنانين في أثناء تصويره لأعماله الفنية.

أبرز تصريحات المخرج محمد سامي

وأعرب المخرج محمد سامي، خلال تصريحات تليفزيونية، عن كواليس تصوير مسلسله الدرامي الجديد، فقال: "أنا لما بتعصب على ممثل بيبقى يا إما هو بليد، أو مواعيده مش مظبوطة، أو مش بيذاكر الدور كويس ولا بيحفظ، وده طبعا بيعطل زمايله في العمل".

وأضاف المخرج محمد سامي: "هو كده هيفشل ويفشلنا معاه.. بيبقى ممثل جاي متأخر ومش مركز ويسلب حقوقنا كلنا، وبتخانق معاه مهما كان مين ونجوميته قد إيه، لأن النجوم الحقيقيين أصلا محترمين وعمري ما اشتغلت مع نجم كبير ومكنش محترم، ودايما المشاكل بتيجي من أنصاف الممثلين".

وتابع محمد سامي: "النجوم أول ناس بتيجي في ميعادها، وأكتر ناس مذاكرين وعندهم حرص على نجاح المشروع، زي الفنان عادل إمام، والراحل محمود عبد العزيز، وأحمد عز، والمشاكل بتيجي من الناس اللي بتبقى فاكرة إنهم نجوم وبيحاول يثبت ده برغم إن دوره مش هيأثر على بيع العمل ولا حتى بدولار واحد".

حديث المخرج محمد سامي عن هالة صدقي ومحمد رمضان

وكشف المخرج محمد سامي، عن سعادته الكبيرة بالعمل مع النجمة هالة صدقي والفنان محمد رمضان، في مسلسله الدرامي الجديد "جغفر العمدة".

وتحدث المخرج محمد سامي خلال لقائه مع الإعلامية مفيدة شيحة والمذيع محمد الكندي، وقال: "هالة صدقي أستاذتي الموهوبة الخلوقة اللي كانت لمانا كلنا في حضنها وتعتبر هي العمود الفقري للمسلسل، كان معانا خبرة وأخلاق وذوق، وبشكرها لإنها يوم ما قولتلها تعمل دور أم لفنانين كبيرة سنا وافقت وقالت أنا ممثلة".

وأردف: "هالة صدقي ست جميلة وخفيفة الظل ويا بختي إن يتحط في تاريخي إني اشتغلت معاها".

تصريحات المخرج محمد سامي عن النجم محمد رمضان

وتحدث المخرج محمد سامي عن النجم محمد رمضان فقال: "في بيني وبين محمد رمضان كيميا كبيرة، ودايما بنشوف الأمور زي بعض، وبنسمع الكلام بطريقة واحدة، وده توافق ربنا بيخلقه ونقدر نقول إن الموجة بتاعتي أنا وهو ظابطة زيادة عن اللزوم.