هالة صدقي: «مبشتغلش عشان الفلوس.. واتعرض عليا برامج طبخ عشان مليانة شوية»

قالت الفنانة الكبيرة هالة صدقي، إنها تريد الاحتفاظ بمستواها الفني على الرغم من عدم استقرر أحوال المجال الفني.

وأضافت صدقي، خلال حلولها ضيفة، في برنامج "معكم"، الذي نقدمه الإعلامية منى الشاذلي، عبر فضائية "سي بي سي"، "جربت أعمل مشاريع غير التمثيل، ومكملتش، كان فيه مشروع اشتغلت عليه جامد جدا وبعدين حصل فيه لعب كده فمكملش رغم إني صرفت عليه كل اللي ورايا واللي قدامي فيه للأسف، ودلوقتي عملت وأنا 7 من أصدقائي مطعم"، متابعة: "الإعلام بيدي وضع للفن وبيضخم الأمور، لكن مش كل الناس يعني وأنا ست عندي التزامات مادية، ومينفعش أنزل أشتغل عشان الفلوس لكن المهم أني أؤمن نفسي".

وواصلت صدقي: "أنا بفهم في شغلانة المطاعم إلى حد كبير، وحشرت مناخيري في كل كبيرة وصغيرة عشان أتعلم شغل المطاعم"، مردفة: "أنا خريجة كلية آداب قسم تاريخ وبقول للشباب متحشرور شنفسكم في حاجة واحدة، اتعلموا حاجة وإثنين وثلاثة وأربعة، وادخل في أكثر من طريق عشان ممكن تنجح في واحد منهم".

وأكملت: "كان نفسي أعمل برنامج سياحي لأني بحب التاريخ جدا، وفي فترة اتعرض عليا برامج طبيخ كثير مش عارفة ليه وإيه علاقتي بيها لكن يمكن عشان مليانة شوية"، مستطردة أن هذا الحلم مازال قائما لديها بأن تقدم برامج عن السياحة وتاريخ مصر.