تامر شلتوت لـ «الطريق»: بعد وفاة أبويا وأخويا لاقيت إن لازم أطلع حاجة لوجه الله من نجاحي
يواصل الفنان تامر شلتوت حملاته التي يقدمها عبر السوشيال ميديا لمساعدة المحتاجين، من جمع تبرعات للمرضى وغيرها من الأعمال الخيرية.
تامر شلتوت يتحدث عن الأعمال الخيرية
قال الفنان تامر شلتوت خلال حديثه مع موقع وجريدة "الطريق": "في البداية أنا أبعد ما يكون إن الناس تقول عليا الله برافو ده بيعمل حاجة حلوة، لأن مش ده هدفي ولا ده موضوعي ولا شيء يثير اهتمامي خصوصًا إن أنا ناجح كممثل".
وتابع تامر شلتوت: "الحلو في الموضوع إن الممثل هنشوف هيفيد المجتمع في ايه، يعني أنا كنت إعلامي وبعدين بقيت ممثل لأني بحب التمثيل، لكن في نفس الوقت أنا بحب أكون شخص مؤثر".
واستكمل تامر شلتوت حديثه، وقال: "ربنا اداني شهرة واداني متابعين وناس بتحبنا وتصدق فينا، طيب ما نحترمهم ونساعد إننا نأثر فيهم بشكل إيجابي، وأنا حبيت اعمل محتوى بسيط إن افكر في اللي محتاج، واللي متأثر بيا هيصدقني وهيمشي ورايا".
تامر شلتوت يتحدث عن سبب اتجاهه لأعمال الخيرية
واختتم تامر شلتوت حديثه، وكشف سبب اتجاهه للأعمال الخيرية: "بشوف إن كل النجوم اللي نجحوا، هما اللي استغلوا الرزق اللي ربنا بعته ليهم لخدمة الناس لأن إحنا في الأول وفي الأخر دي شغلانة بنشتغلها للناس، والناس بتحبنا عشان احنا بندخل بيوتهم وبيتفرجوا علينا"، مشيرًا إلى أنه عقب وفاة والده وشقيقه رآى أن النجاح والرزق الذي يرسله له الله يجب أن يخرج منها شيء لوجه الله.
