أحمد عبد الله: «خناقة كارم وجعفر اتصورت في 10 ساعات ومشهدي مع ثريا انتصار للست المصرية»
تحدث الفنان أحمد عبد الله عن كواليس العمل مع المخرج محمد سامي والفنان محمد رمضان في مسلسل "جعفر العمدة"، الذي تم عرضه في موسم رمضان 2023.
علق أحمد عبد الله خلال لقاءه في برنامج "الستات ما يعرفوش يكذبوا" عن العمل مع الفنان محمد رمضان، قائلًا: "رمضان عنده كاريزما طاغية وكل مشاهدي معاه كانت ماستر سين، ولو أدائي مش قد نجم زي محمد رمضان أكيد كنت هتكشف".
أحمد عبد الله: محمد سامي بيعشق الممثل
أما عن المخرج محمد سامي، أضاف: "محمد سامي عنده قدرة يدخلك اللوكيشن وإنت بتضحك، لكن لو عايز جو تنشنه بيزعق عشان يوصلك الإحساس ده، وهو مخرج بيعشق الممثل، وأكتر مشهد كوميدي هو دخول محمد رمضان بالزوجة الرابعة على زوجاته".
أحمد عبد الله: مشهدي مع ثريا انتصار للست المصرية
وتابع أحمد: كنا شايفين الشخصيات بتمشي من كتر جمالها وإحنا بنقرأ الاسكريبت، والمشاهد الصعبة بدأت في الحلقة الرابعة من معركة جعفر العمدة وكارم اللي اتصور في 10 ساعات، وكمان مشهدي مع ثريا وهى بتبوس إيدي كان قاسي جدًا ويعتبر المشهد ده انتصار للست المصرية ومي كانت بتترعش".
