ريهام حجاج: «مصطفى درويش من أكتر الناس اللي اتحاربت»

وجهت النجمة ريهام حجاج، رسالة عقب رحيل الفنان مصطفى درويش، ظهر اليوم، عن عمر يناهز 43 عامًا، آثر تعرضه إلى سكتة قلبية مفاجئة.

وكتبت ريهام حجاج، عبر حسابها الشخصي بموقع التواصل الاجتماعي فيسبوك: "مصطفى درويش من أكتر الناس اللي اتحاربت ويا ما اتكتب عليه وأتقال كلام كتير يهدم أي حد، مصطفى درويش كتير استكتروا عليه رزقه اللي ربنا كان باعتهوله وكعادة بعض الناس اللي شايفين إنهم لازم يقرروا مين يستحق الرزق ومين لا شايلين من دماغهم إن ربنا بس اللي بيرزق".

وأضافت: "مصطفى أتكلم معايا في الموضوع ده لما قابلته مرة بعد دوره في بـ100 وش وكان حقيقي متأثر، ياريت تفهموا إن ربنا دايما ليه حكمة في كل حاجة واهو مصطفى ربنا افتكره وهو لسه صغير، ياريت تبطلوا تجرحوا في الناس وهما وأنتم لسه عايشين، عشان مش ها تقدر تتحمل وقفتك أدام اللي حرجته وهو مختصمك أدام ربنا، ما فيش حاجة في الدنيا مستاهلة".

وكانت علقت ريهام حجاج، على خبر وفاة الفنان مصطفى درويش، عبر حسابها الشخصي بموقع التواصل الاجتماعي فيسبوك، قائلة: "لا حول ولا قوة إلا بالله، استغفر الله العظيم يا رب مش قادرة أصدق أن مصطفى في ذمة الله، الله يرحمك برحمته يا مصطفى ويجعل مثواك الجنة، ألف رحمة ونور عليك، أرجوكم أدعو له".