مستسلمش للبطالة.. شاب سوهاج يبدأ مشروعه بعربية فطير متحركة

أنا بحلم إنى أكون دكتور تحاليل وأكمل تعليمى، هكذا بدأ الشاب "محمد على" حديثه ل"الطريق" بابتسامة هادئة ونفس راضية، موضحاً رحلة عمله منذ ال12 عامًا حتى أصبح فى عمر الـ18 وافتتح مشروعه الخاص منذ عام ونص.

وقال "محمد على" أنا اشتغلت حاجات كتير واشتغلت كل حاجة ومستسلمتش للبطالة برغم دراستى، وأضاف أنا بشتغل من 8 سنين لما كان عندى 12 سنة، وبدأت شغلى مع جوز عمتى واتعلمت منه كتير.

وأضاف: "أنا اشتغلت أبيع عصير بانواعه، واشتغلت نقاش، وبيعت كنافة، واشتغلت عامل نظافة فى معمل تحاليل، وبعد تعب قررت افتح مشروع خاص بيا من سنة ونص، واخترت إنى اشتغل على عربية فطير متحركة.

واستكمل "محمد على" حديثه ل "الطريق" قائلاً: "أنا عندى 18 سنة، وبدرس فى المدرسة الزخرفية، وبحاول أوفق بين دراستى وشغلى، وبصحى كل يوم الصبح أجهز الفطير واقف بعربيتى فى منطقة الثقافة علشان أبيعه للناس، وأضاف قائلآ: "أنا ببيع فطير حلو وحادق ودى حاجه جديدة بالنسبة للشارع السوهاجى.

وأنهى الشاب حديثه، قائلاً: "أنا مبسوط بشغلى جدا وراضى، وبحلم أنى أحقق حلمى فى التعليم وأكبر مشروعى، ووجه نصيحة للشباب بضرورة العمل والسعر قائلآ: اللى بيسعى بيلاقى وربنا بيكرم ومش بينسى حد ولا يضيع حق حد.

اقرأ إيضا http://«رئيسة».. أول سيدة تعمل في مجال تنجيد فرش السيارات بسوهاج