مروة عبد المنعم تبكي على الهواء: «تامر حسني موقفش جنبي في محنتي»
دخلت الفنانة مروة عبد المنعم في نوبة بكاء عقب حديثها عن من تخلوا عنها أثناء محنتها، وفترة ابتعادها عن الفن وخاصًة الفنان تامر حسني.
مروة عبد المنعم تبكي على الهواء
وتحدث الفنانة مروة عبد المنعم عن هذه الفترة، وذلك خلال استضافتها في برنامج قعدة ستات، الذي يعرض على قناة "القاهرة اليوم"، وتقدمه الإعلامية مروة صبري، وقالت: "لسه كنت بقول لبنتي إني مش عارفة صرفت عليهم طول السنين اللي فاتت دي إزاي بس الحمد لله بتمشي".
وتابعت: "أنا وقفت جمب نفسي ومحدش وقف جمبي غير ربنا، لأن ربنا عظيم وكريم، وأوقات بتكلم مع نفسي وأقول أنا هصرف السنة دي إزاي".
مروة عبد المنعم تتحدث عن مساندة أشرف زكي
وذكرت مروة عبد المنعم مساندة أشرف زكي لها، وقالت: "أشرف زكي وإدوارد وقفوا معايا، ومش هقول مين تخلى عني، في ناس انتظرت منهم يبقوا معايا ومزعلني أوي ومش عايز أقول مين، دول مكنوش صحابي أوي وعلى الأقل في بينا عشرة من الوسط الفني، ولما أقابلهم في لوكيشن بيقوليلي إيه الأخبار وبيسألوا عليا، وبقول الأسماء في الحاجة الكويسة".
مروة عبد المنعم تعاتب تامر حسني
واستكملت حديثها وقالت: "أشرف زكي من أكتر الناس اللي وقفوا معايا، وكنت مثلًا متخيلة إن تامر حسني يسأل عني، خصوصًا إن وقت فيلم عمر وسلمى حصله موقف الجيش وروحتله مع إني لسه مكناش صحاب".
واختتمت حديثها وقالت: "الناس اللي بينا عشرة شغل فقط مسألوش عليا، إحنا مش عشرة خروج وفسح، وتامر من الناس اللي قريبة مني، ومبعتش رسالة ولا كلمني، أحمد صفوت من الناس اللي وقفوا معايا، وأحمد زاهر وقف معايا في حاجات كتير جدًا".
اقرأ أيضًا..
