«مات من القهر».. مطرب شاب يكشف سبب وفاة محمد النادي

كشف المطرب الشاب أكرم عادل، سبب وفاة محمد النادي الملحن، الذي رحل عن عالمنا صباح اليوم الإثنين 5 يونيو، عن عمر يناهز 39 عاما.

سبب وفاة محمد النادي

وكشف أكرم عادل، سبب وفاة محمد النادي من خلال منشور، كتبه عبر حسابه الشخصي بموقع التواصل الاجتماعي، قائلا: "محمد النادى مات من القهر والظروف الصعبة اللى بنعشها فى الوسط الفني، لأنه معندوش مصدر رزق تانى".

وتابع: "مات عشان الشغل في الوسط ده بقا زى الحرب، مش عارف ليه محدش بيحب الخير لحد ده غير أنه ممكن ياذيك لمجرد أنه غيران من نجاحك، نفسيات غريبة وحقد وغل حتى ناس كتير من اللى بيترحموا عليه ويقولوا صاحبى وأخويا وحبيبي ما كانوش بيفتكروه وهو عايش ولا بيسالوا عليه، و لما كان يحقق نجاح في حاجه كانوا يستكبروا ويستكتروا انهم يفرحوا قلبه ويباركوا له ويجبروا بخاطره لو حتى بتعليق".

اقرأ أيضًا.. بعد وفاة الملحن محمد النادي.. رنا سماحة: «حد يقولي أن الخبر مش حقيقي»

واستكمل: "كفايه بقى نفاق عشان الوشوش كلها بقت مفضوحه، خصوصا على السوشيال ميديا اللي فعلا بينت الناس على حقيقتها، أنا بقول الكلام ده عشان للأسف أنا حاسس بكل الحاجات اللي هو كان حاسسها، وممكن يكون عليا الدور أنى أموت فقلت أطلع اللي في قلبي يمكن الناس تحس ببعض شويه ويرحموا بعض عشان ربنا يرحمنا ربنا يرحمك ويسكنك فسيح جناته يا محمد ويصبر قلب أهلك والناس اللى بيحبوك بجد على فراقك ولا عزاء للحاقدين والمنافقين".