بسمة وهبة: سافرت لندن علشان أتعالج.. استحلفكم بالله محدش ينق عليا
كشفت الإعلامية بسمة وهبة، أنها سافرت إلى لندن من أجل رحلة علاجية، مطالبة جمهورها بالدعاء لها بالشفاء، إذ نشرت مقطع فيديو عبر خاصية ستوري على حسابها بموقع تبادل الصور والفيديوهات انستجرام قائلة: استحلفكم بالله متنبروش عليا لأني والله مش جاية أتفسح في لندن، وبنزل من غير فلوس عشان الحاجات هنا مولعة نار.
وتابعت بسمة وهبة: نفسي تدعوا لي لأني جاية رحلة علاج، وما تنقوش عليا وهاخدكم جولة معايا بكرا عند الدكتور والمستشفى عشان ترتاحوا وتدعوا من قلبكم.
من ناحية أخرى، كانت بسمة وهبة علقت مؤخرًا على أزمة مطرب المهرجانات حسن شاكوش وزوجته ريم طارق، وقالت في لقاء تلفزيوني: بيتقال إن ريم كذبت وخبت على حسن جوازها من شخص تاني قبله، لكن هي مش كذبة، لأنها لما كانت قاعدة معايا في برنامج العرافة، قلت لها إنتي ليه سجدتي شكر لله في الفرح وده كدة شو، قالت لي لأ مش شو أنا كنت سعيدة.
اقرأ أيضًا: روجينا تعلن تكريمها هي وأشرف زكي في الاسكندرية.. فيديو
واستكملت بسمة وهبة حديثها قائلة: وريم قالت لي إنها حست إن ربنا رزقني بحاجة بيعوضني بيها عن تجربة سابقة عانيت فيها، فطبيعي إن التجربة اللي هي تقصدها دي كانت تجربة زواج.
