فرح الزاهد تتحدث عن صعوبات شوجر دادي: «لما شوفت ليلى علوي اتوترت واتعلمت منها الانضباط»
كشفت الفنانة فرح الزاهد، كواليس مشاركتها في فيلم شوجر دادي، بطولة الفنانة ليلى علوي، والذي يعرض حاليًا في دورعرض السينما، حيث تحدثت أول تجربة سينمائية لها في شوجر دادي واختلافها عن الدراما التي قدمت فيها تجارب سابقة، مشيرة إلى أن التعاون مع ليلى علوي ممتع.
وأضافت فرح الزاهد خلال لقائها مع برنامج عيش صباحك، الذي يعرض عبر إذاعة نجوم إف إم: لما شوفت ليلى علوي كنت متوترة، وأول مشهد معاها وعيدنا المشهد أكتر من مرة لأن كان فيه مشاكل في الزاوية بتاعتي وكنت بقول جمل غلط لكن هي كانت بتفضل تقول لي حلو أوي لحد ما أخدنا على بعض.
وأكدت فرح الزاهد، أنها تعلمت من ليلى علوي الانضباط في المواعيد واحترام العمل، قائلة: عندها انضباط بشكل رهيب وحب لشغلها غير طبيعي، وإن لازم أتعود على صعوبات الشغل وهي بالنسبة لي مثل أعلى.
وأضافت الزاهد: السينما محتاجة خبرة كبيرة جدًا وأنا انتقدت نفسي في أول تجربة سينمائية لكن راضية عن نفسي بنسبة 70%، باخد رأي هنا أختي بعد ما أمضي الدور وبسألها إيه رأيك أعمل الدور إزاي وكده، وباخد رأيها كمان لما العمل يتعرض وهي بتبقى صريحة معايا في رأيها، لكن مامتي هي اللي باخد رأيها قبل ما أوافق على الدور.
اقرأ أيضًا: فرح الزاهد عن دورها فى «بحبك»: مش مصدقة أني وقفت قدام تامر حسني
